21/09/2014 09:23:08

Policia nuk ndaloi besimtarёt

Policia pёrgёnjёshtron lajmin pёr ndalimin nё kufi me Muriqanin tё 80 shtetasve nga Kosova

(18:15) Policia e Shtetit reagoi pas publikimit tё lajmit pёr ndalimin e 80 shtetasve kosovarё nё kufi me pikёn e kalimit kufitar tё Muriqanit. "Lajmi i publikuar mbi kthimin nё pikёn e Muriqanit tё 80 shtetasve nga Mali i Zi nga policia shqiptare nuk ёshtё i vёrtetё", thotё zёdhёnёsja nё detyrё e Policisё sё Shtetit Laura Totraku.


(12:00) Entuziazëm dhe atmosferë festive si asnjëherë tjetër në sheshet dhe rrugët e kryeqytetit shqiptar, teksa Papa Françesku përshkon bulevardin “Dëshmorët e Kombit” dhe përshëndetet me qytetarët që kanë mbushur sheshet.

Ati i Shenjtë, nga makina e tij e bardhë, përshëndeti dhe bekoi mijëra qytetarë dhe besimtarë që kanë ardhur nga qytetet e ndryshme të Shqipërisë, por edhe nga vende të tjera, për të përshëndetur Papa Françeskun, në këtë vizitë historike në Shqipëri.

Një tjetër moment i rëndësishëm në ceremonialin për pritjen e Papës ishte edhe nderimi i Atit të Shenjtë me titullin “Qytetar Nderi i Tiranës” nga Kryetari i Bashkisë, Lulzim Basha, i cili i dorëzoi Atit të Shenjtë edhe “Çelësin e Tiranës”.



(11:30) Në sheshin Nënë Tereza fillon mesha e shenjtë.

































(10:50) "Ati i Shenjtë. Shqipëria sheh tek ju një personalitet të madh. Një mik të shtrenjtë që sot ia ka hapur derën: Shtëpia e Shqiptarit është e Zotit dhe e mikut", tha Presidenti i Republikës në një fjalim në Presidencë. “Të gjithë njëzëri ju thonë mirëseredhët në Shqipëri. Faleminderit që na zgjodhët ne të parët për udhëtimin tuaj në Europë". Presidenti Nishani tha se ndihej krenar për bashkëjetesën fetare. “Mes nesh nuk ka diskrimimin intolerancë, ekstrizëm por respekt reciprok të trashëguar brez pas brezi harmoni e barazi të plotë të trashëguar nga kushtetuta e shtetit tonë laik”


(10:35) "Respektimi i të drejtave të njeriut dhe lirisë së mendimit, është dominant për zhvillimin social të vendit. Klima e respektit dhe besimit reciprok, eshte nje e mire e çmuar per vendin. Sidomos në këtë kohë, që nga ana e ekstremistëve po përdoret dhe instrumentalzohet diferenca e besimeve." (10:30) Në momentin kur avioni papnor është futur në hapësirën ajrore shqiptare kryeministri Edi Rama përmes kapitetit të avionit i ka nisur një mesazh dhe Ati i Shenjtë i ka kthyer përgjigje: "Faleminderit për mikpritjen. Dua ti them kryeministrit që e mbajta premtimin".


(10:23 ) Ndërsa Papa Françesku mbërrin në Tiranë, policia ndaloi 80 myslimanë në pikën kufitare të Muriqanit. Shtetasit vinin nga Mali i Zi dhe ishin duke udhëtuar me mjete private në drejtim të Tiranës.Policia i ndaloi ne kufi.


(09:33) Kryeministri Edi Rama dhe Papa Francesco shkëmbejnë dhuratat sipas protokollit (foto album).




TIRANË - Papa Françesku sapo mbërriti në Aeroportin Ndërkombëtar “Nënë Tereza”, në Rinas, në këtë vizitë të parë në Shqipëri, të pritur me padurim nga të gjithë shqiptarët.

Avioni me të cilin udhëton Papa Françesku është ulur në pistën e aeroportit shqiptar në orën 8 e 55 minuta.

Ati i Shenjtë u prit me një ceremoni zyrtare nga Kryeministri Edi Rama, ministri i Punëve të Jashtme, Ditmir Bushati, ministrja e Kulturës, Mirela Kumbaro, Sekretari i Përgjithshëm i Presidencës dhe përfaqësues të Kishës Katolike etj. Kjo është vizita e parë që Papa Françesku zhvillon në Europë, dhe e dyta për një Papë që viziton Shqipërinë, pas Papa Gjon Palit të II në vitin 1993.

Shtegtimi Apostolik i Papës Françesku në Tiranë, është i dyti i një pape në vend. I pari ishte ai i Gjon Palit II (25 prill 1993), dy vjet pas rënies së diktaturës dhe vendosjes së marrëdhënieve diplomatike ndërmjet Selisë së Shenjtë dhe Republikës së Shqipërisë. Shtegtimi, që zgjati 14 orë, arriti kulmin në Shkodër.

Në Katedralen e Qytetit të martirizuar të Veriut, kthyer nga regjimi komunist në pallat sporti (1967), kushtuar vetëm pak kohë para Shtegtimit Apostolik, Papa Vojtila kremtoi Meshën, bekoi gurin e parë të themelit, mbi të cilin do të lartohej, për të tretën herë, Shenjtërorja kombëtare e Zojës së Këshillit të Mirë”(ndërtuar në shekullin XV, rrënuar nga turqit më 1479, rindërtuar më 1895, rrënuar përsëri më 1967) dhe shuguroi katër ipeshkvijtë e parë, ndërmjet të cilëve, imzot Rrok Mirdita, kryeipeshkëv i sotëm i Tiranë-Durrësit dhe gjithë Shqipërisë.

HermesNews - ©2014

Dërgo me email | Stampo artikullin