20/08/2014 22:10:16

Viktimat nuk janë fajtore. Gega: ''Bëra gjënë e duhur për të gjithë''

Intervistë eksluzive me Elvira Gegan. Ditët e një skandali. Kush qe prokurori që takoi Agron Cane para se të publikohej videoja ? Tahiri: ''Çfarë ka bërë policia për ty?'' Gazetarët kanë çuar prova të tjera në Prokurori. Gega, nuk do të lejoj që dikush të komentojë time bijë

HermesNews - Zonjë, faleminderit që pranove të flasim bashkë. Si jeni ?

Eh si jam, mundohem të vazhdoj rrjedhën e jetës, por jam akoma me frikë. Tani ajo frika do jetë, por un do mundohem të rifilloj jetën normale.

Zonjë, ju i keni dorëzuar në Prokurori të gjitha provat që keni patur deri tani ?

Të gjitha përgjimet që kanë dalë nga ana ime, janë dorëzuar në Prokurori. Videon e ka ofruar gazetari që më ka dhënë kamerën. Unë kam bërë deponimin e plotë të deklaratës mbi atë që ka ndodhur.

...dmth ka patur prova, apo video të tjera ? Prova të kujt ?

Prova të tjera nga gazetarët, (sipas të cilëve) ai njeri ka kërkuar të dilte hapur nëpër kafe sepse donte videon t'i kthehej prapa.

Ai ka kërkuar që videoja t'i kthehej atij ? Ka kontaktuar dhe me gazetarët për këtë ?

Unë kam qenë në shtëpinë time atë ditë. Më datë 15 Gusht; më ka marrë në telefon personi gjatë kohës që kam qenë në punë: punoj në një familje ku pastroj deri në fund të Gushtit. Ai (Cane) më ka marrë në telefon e më ka thënë paraqitu në zyrë. Deri dje unë e kisha kërkuar e ai nuk më kishte pranuar haptazi, çfarë më donte sot, e pyeta. Ai tha se ishte një problem që kishte dalë. I them për mirë apo për keq. Mu përgjigj se ishte për të herë, sepse i kisha bërë gropën.

Po ai ku e kishte marrë vesh për këtë rregjistrim ? Prokuroria ?

Nuk e di, ndoshta. Prokuroria nuk ishte informuar akoma për këtë çështje. Ndoshta nga dikush i afërm, një njeri i imi që është krahu i tij.

Ju kishit folur për këtë më ndonjë njeri tjetër ?

Pasi bëra videon, ia dhashë gazetarit faktet dhe ai shkoi në shtëpinë e vet dhe unë në shtëpinë time. Por është një njeri shumë i afërm i imi, nuk është nevoja ta them me emër besoj. E kontaktova ballë për ballë, bisedova me të. Unë pasi kisha mbaruar punë me videon kisha nevojë të shprehesha me dikë të afërt. Unë u shpreha me këtë person dhe mendoj se 90 % ia ka thënë ky.

Po Cani ka ofruar dhe para për të patur videon ?

Jo, jo, jo absolutisht. Agron Cane më ka thënë, pasi unë nuk pranova që të veja në zyrë dhe më tha që donte të pinte një kafe me mua. Unë isha me Artur Canen bashkë dhe me gazetarin që bëri kamerën. Këta më thonë që prano për kafe thuaje sa më shumë orën e largët që të kemi fakte që ti je ulur për kafe me atë përson. Kemi dhe frikën tënde se çfarë mund të ndodhë. Këta kanë kontaktuar më shefin e komisariatit dhe i kanë thënë se ai person e kërkon për kafe dhe pasi më dha leje, që ok le të dali se i marrim ne masat, vetëm të na thotë lokalin se ku do ulet. E lashë vendin e vajta për kafe gjithmonë e siguruar në atë vend. Atje përsëri vajta dhe e rregjistroja se çfarë më thoshte.

Dhe çfarë tha ? A ka tentuar t'ju korruptojë ?

Ai donte të më korruptonte duke më ofruar atë punë që unë kisha kohë që i kërkoja në zyrë kaq kohë. Më ka poshtëruar me shprehje nga më të ndryshmet.

Në këmbim të videos ?

Në këmbim të videos. Ai thoshte se ato gjëra unë do t'i bëj më shumë seriozitet e do filloj që nesër. Do të kesh ato që me kë kërkuar vetëm mos më hap videon

A ju ka kërkuar falje në këtë bisedë ?

Po, po.

Cfarë i thatë ?

I thashë unë nuk e kam më videon. Këtë gjë e ka prokurria në dorë. Biles është prokurria e tiranës që e ka marrë. Për ta larguar sa më shumë nga une.

Gjatë asaj bisede ai ju ka kërcenuar ?

Gjatë asaj bisede më ka thënë se për një moment m'u fik celulari, më tha nëse ti e hap videon unë do të të pres kokën. Unë i thashë që këtë e ka prokuroria në dorë. Unë timen e bëra sepse më solle ti në këtë shteg.

Ju keni patur dhe kontakte online me këtë person ?

Absolutisht jo.

Në disa rreshta të videopërgjimit, Cane thotë se kishte qenë në Prokurori. Nuk ishte shumë e qartë arsyeja pse ?

Atë natë që u ulem për kafe ne, e siguruar nga policia, më thotë se une shkova në prokurori, ktheje videon se nuk do të më bësh asgjë. Shkova sot në prokuroria tha. Nuk ma dha emrin e prokurorit. Këtë çështje që më ke bërë, këtë kamer nuk më bën asgjë se nuk ke fakte, tha. Unë i thashë, ai zotëria që të tha se nuk të bën asgjë, a e ka parë videon ? Se mendon se do ndryshojë mendim, për këtë që ka shprehur.

Cfarë tha ?

Ti bën mirë të kthesh videon prapa. Unë do ta bëj punën me shumë seriozitet. Unë i thashë pse ti mendon se do vazhdosh prapë punë në atë zyrë pas kësaj që bëre ? Unë nuk kthehem prapa, do eci vetëm para.

Zonjë a keni qënë ndonjëherë anëtare e ndonje partie politike ?

Unë kam marrë pjesë me 21 Janar kur u vranë ata tre personat. Unë kam qenë në Tiranë. Prapë kur u bë përkujtimorja e tyre, prapë kam qenë krah për krahë me socialistat. Kemi ikur me një autobuz atë ditë. Për t’i përkujtuar ata persona. Kam votuar për ata persona më dëshirën me të madhe. Duke parë që unë isha socialiste dhe kisha nevojë për një vend pune, ata duhet të me jepnin mua atë vend pune, sepse unë ua dhashë votën.

Pas këtij skandali a ju kanë kontaktuar përfaqësues të tjerë të partive politike ?

Absolutisht asnjë, përveç Ministrit të Brendshëm Saimir Tahiri, i cili më ka thënë, në radhë të parë flas si qytetare, të mbështes për këtë kurajo që ke marrë. Të jesh një nënë kryelartë sepse mbrojtje fëmijët e tu. Në radhë të dytë po të pyes se çfarë ka bërë policia për ty ? I thashë që deri tani policia më ka qëndruar afër dhe jam e qetë. Dhe do jesh e qetë sepse ne do bëjmë punën tonë, që ti të jesh shumë e qetë dhe e sigurt në familjen tënde.

Vetëm një herë keni folur me Ministrin ?

Një here. Ai më ka lënë një numër telefoni dhe më ka thënë, siç merr inspektorin e lagjes me merr dhe mua. Me tha, unë jam me ty dhe ke mbështetjen time dhe të gjithë shtetit.

Avokati i Canes ka tentuar të vihet ne kontakt me ju ?

Jo, jo.

Si kanë reaguar njerëzit afër jush ?

Shumë njerëz nga Saranda me kanë kontaktuar dhe më kanë falenderuar. Më kanë dhënë kurajo. Më kanë thënë se ju i keni dhënë një mësim shumë të mire njerëzve. .

A keni patur kontakte me familjen e canes ?

Jo.

Po ata kane dashur të vihen ne kontakt me ju ?

Jo.

A ndjeheni e sigurt ?

Nuk do ta thoja këtë, sepse është frika që ka një grua i kur i zbulon maskën dikujt. Mendoj se do të hakmerren ata persona. Familjarët e tij. Nuk e di se kush mund ta bëjë këtë. Mendoj se do ta bëjnë shumë shpejt. Ose mund ta mbajnë nën dhëmballe për ta bërë diku.

A do të ktheheshit prapë në po atë zyrë për të kërkuar punë me persona të tjera ?

Aspak.

Në një zyre shtetësore ?

Shiko, këtu nuk ka lidhje partie. Unë partinë demokratike nuk e kam përkrahur asnjëherë. Por PD me bëri ca dokumente kur me vdiq burri e unë s’kisha të ardhura.

Si mendoni ta mbroni vajzën nga ky skandal ?

Atë e mbron opinioni publik. Unë si nënë do bëja gjithçka për fëmijën. Bëja një denoncim për atë beri ai përson, që donte ta poshtërontë vajzën time. Nuk do të toleroja askënd që të komentojë apo ta poshtërojë vajzën time.

Si ndjehet ajo ?

Herë herë mundohet të marrë rrjedhën e jetës, po kur dëgjon që flitet për të ndjehet keq dhe acarohet. Më thotë mami, mos e zër më në gojë, ia kë lënë drejtesisë.

Keni besim tek drejtësia ?

Besoj se do bejë gjënë e duhur, sipas fakteve që janë mëse reale. Ata në radhë të parë janë prind. Jam 100% e sigurt për gjithçka që është ralizuar në atë video. Drejtesia ka shumë fakte.

Sipas jush ka patur Agron Cane famë për të tilla ‘’kompromise’’ ?

Këtë nuk e them 100%. Por sa herë që shkoja në atë zyrë gjeja po të njëjtët persona. Canej ka thënë që këtu më vinë shumë njeëez, më kërkojnë dhe unë i refuzoj se jam burrë i martuar. Unë besoj e kanë dëgjuar dhe ato gra, por s’kanë patur kurajon qe pata une.

Ka patur nje moment gjate video pergjigmit qe Cane ju thotë pse ma bën këtë, s’je njeri i keq ? Cfarë do t'i thonit ?

Ai e thoshte për të më ngritur moralin që t'i plotesoja tekat. Ai mendonte se unë rashë në grackë por unë doja që ajo vieo të shkonte deri ne fund prandaj vazhdova. Shume e duruar dhe shume e qetë. Them se arrita atje ku duhej. Duke u poshtëruar arrita të hakmerrem një herë e përgjithmone. Unë e poshterova në gjithe botën.

Nëse ju kërkon falje ?

Nga une s'ka kurre falje. Ne te rriturat mund të bëjmë gjithcka, do ngelet tek vendi. Më fal për shprehjen, nëna për fëmijën bëhet buçe. Unë besoj se bëra gjëne e duhur për këtë njeri. Per femijen tim.

A doni t'i jepni mesazh opinionit ?

Unë e kam thënë që në radhë të parë, kjo gjë të merret ne konsiderate nga nënat e tjera. Të merret si guxim karshi nënave kryefamiljare si unë. Besoj se kam bërë diçka dhe për të tjerat që të mos ketë më si unë. Njerëzit e morën vesh që drejtësia do bëjë dicka dhe ata njerez, do e bëjnë punën me drejtësi, se pas asaj që ndodhi do te jetë një gjë e mirë për të gjithë njerëzit,

Mesazhi familjes ?

Të jenë kryelartë e të më mbështesin, siç dhe kanë filluar. //HermesNews - ©2014//

Doriana Metollari

Dërgo me email | Stampo artikullin