25/07/2014 18:16:41

DREJT MANDATIT TË TRETË ?

Gara elektorale e 2015tës. Kryebashkiaku i Shkodrës nuk ka një ''po'' të sigurt, por ai nuk është i bindur as për të kundërtën. Lorenc Luka; ''I kthyem qytetit shpresën''

HermesNews - Dhe pse tifozeria ka rezervat e saj, çështja ''Vllaznia'' ka marrë përfundimisht rrugëzgjidhje. Çelësi i një situate e konsideruar prej kohësh pezull për një qytet si Shkodra, ku futbolli konsiderohet si buka në tavolinë, ka qenë Gea Sport, shoqatë zviceriane, president i së cilës është italiani Roberto Nava.

Pas shumë luhatjesh në bisedime që arritën deri në akuza ndaj kryebashkiakut dhe rivalëve, Gea Sport ka firmosur para pak ditësh kontratën me Këshillin Bashkiak të shkodrës, apo me kryebashkiakun, nëse duam t’i biem shkurt.

Aventura fillon.

Për Lorenc Lukën ka qenë një ndër vendimet më të rëndësishme të këtij katër vjeçari që nuk është mbyllur ende.

Megjithatë për kryebashkiakun e shkodrës mbase mund të ketë një mandat të tretë ? Ai nuk thotë "jo" kategorike në këtë rast, por as Partia Demokratike apo ajo socialiste nuk i kane idetë e qarta për kandidatin e vet dhe duke parë eksperiencën e LSIsë për zgjedhjet politike, mbase dhe kësaj here kandidati/kandidatja do të vijë po nga bota e biznesit.

Ditën që intervistova kryebashkiakun Luka, ky i fundit sapo kishte firmosur kontratën e shumëpërfolur me zvicrën, duke marrë premtimet e para për një skuadër “pretendente kampion”.

“Presim shumë nga Gea Sport”, thotë Luka. “Është një kompani e huaj e specializuar në këtë fushë, me eksperienca ndërkombëtare, staf teknik me ekspertë nga Italia dhe Zvicra. Sjell risi në mënyrën e menaxhimit”, kryebashkiaku i dy mandateve është optimist.

Mbase kjo ndjenjë mund ta çojë drejt sfidës së ardhshme. Luka njihet si njeriu që i ktheu qytetit një pjesë të mirë të historisë së tij, nëpërmjet infrastrukturës.

Quhet “Gjuhadol”, pjesa ku është punuar fort për ristrukturim dhe pse brenda saj ka pjesë që ende duhen përmirësuar, për shkak të mungesës së fondeve në aparencë.

Aty këtu vihen re ndërtesa që kanë të rikonstruktuar vetëm fasadën e jashtme, brenda është e gjitha bosh dhe pa mure. Kryebashkiaku banon tamam në atë zonë historike me ndërtesat e stilit neoklasik, ndërtuar në epokën e kolonizimit italian.

Shkodra njihet si qytet filoitalian. Ajo ka patur lidhje të hershme ekonomike me italinë dhe një pjesë e fjalorit dialektik ka fjalë italiane psh “gradence”, italisht “credenza” (fjalë e përdorur kryesisht në rajonin e venetos).

Megjithatë në Shkodër është traditë që çdo kryebashkiak duhet mbi të gjitha të mbajë ekulibër dhe lidhje të mira më tre komunitetet fetare, ai myslimanë, katolikë dhe ortodoksë.

Religjoni i një pretendenti për kryetar bashkie, influencon jo pak tek vota, por duket se kryetarët e bashkive në Shkodër kanë një tendencë jo të madhe të influencojnë në politikat qeveritare të qeverive socialiste.

Luka u shpreh i pakënaqur për ndarjen e re territoriale që i kanë bërë veriut, por nga ana tjetër më pak vullnet shfaq kur duhet të flasë më tëpër rreth kësaj.

"Kemi bërë ndërhyrje permanente për prishjen e ndërtimeve pa leje, (hapja e segmentit të unazës lindore), mund të jenë rreth 300 ndërtime pa leje për zbatimin e projekteve", tregon kryebashkiaku, i cili shton se nuk ka patur rezistencë.

“Në zbatim të ligjit nuk ka përplasje”, duket i sigurt. “I kthyem shpresën qytetit gjatë këtyre dy mandateve. Shkodra sot është një qytet ku mund të jetohet mirë, punohet mirë, premton të ardhme në zhvillim ekonomiko-social dhe për infrastrukturën”, thotë.

Në Shkodër janë investuar rreth dy milion e gjysëm dollarë për invetime në infrastrukturë, ujësjellës, zona historike, projekte të tjera të Marubit, Ministria e Kulturës.

Po në çfarë stuate është turizmi ?, e pyes. “Vjet ka pasur mbi 70 mijë turista në Shkodër. Pjesa më e madhe nga polonia, çekia, rusia”, thotë Luka, kjo falë “bashkëpunimit të mirë të agjencive turistike. Në fakt Shkodra është futur në paketën turistike të pesë vendeve të rajonit.

Metropoli i veriut ka një miks shumë interesant më kulte fetare, një panoramë natyrore që të magjeps, por çoroditet nga një liqen i ndarë në dy pjesë nga zona e pedonales, me një bllok gjigand rëre. Një masakër e vërtetë natyrore.

Ndërsa në zonën drejt shirokës, ku ndodhet dhe lagjia e vjetër e romëve, po punohet për të ngritur një pedonale të re.

Po çfarë programesh ka bashkia për jetën kulturore të qytetit ? e pyes. "Duam të bëjmë turizëm gjatë 12 muajve të vitit, jo vetëm në verë", thotë Luka me një optimizëm u thye nga vizita e munguar e Papës këtë Vjeshtë në Shkodër, zyrtarisht për shkak të moshës, por është e qartë që dikush afër Shënjtërisë së Tij ka spostuar vëmendjen ekonomike dhe politike të metropolit verior vetëm në Tiranë. //HermesNews - ©2014//

Doriana Metollari

Dërgo me email | Stampo artikullin