02/06/2014 09:50:51

Nava, presidenti i Gea Sport SA. ''Do ndërtojmë një Vllazni të madhe''

Pretendenti për marrjen e drejtimit të ekipit shkodran; zbulon në eksluzive për Hermesnews projektet që ka Gea për klubin e fubollit ''Vllaznia''

HermesNews - Roberto Nava rrëfehet si lindi dea për marrjen e drejtimit të Vllaznisë, dëshirat e merkatos dhe objektivat e ekipit. Eksperienca te Teuta Durrësit. Në fund vjen dhe premtimi për tifozerinë shkodrane "nuk do ju zhgënjejmë". Këto dhe shumë të tjera në intervistën më poshtë.

Nava, në emër të Hermesnews, urime për detyrën tuaj të re si president i Fk Vllaznia ?
Për detyren e presidentit, duhet të presim akoma zyrtarizimin e vendimit nga këshilli bashkiak dhe kumunikaten e krybashkiakut

Nava pas Teutes Durrës në Shqipëri, kaloni të Vllaznia Shkodër, çfarë do të thotë për ju ?
Do të thotë një hap i rëndësishëm në botën e futbollit dhe një përgjegjësi e madhe ndaj tifozave shkodranë.

Si lindi ky operacion që iu çoi të merrni drejtimin e ekipit Fk Vllaznia ?
Ka lindur nga një diskutim i bërë me avokatin dhe ortakun Ardian Grabova, por mendoj se z.Grabova në një intervistë më të zgjeruar mund të flasë më shumë për këtë çështje.

Sa e njeh Roberto Nava skuadrën e tij të re Fk Vllaznia ?
Unë e njoh mjaft mirë skuadrën dhe lojtarët në aspektin teknik, skuadër e madhe që ka nevojë për rregullime të vogla dhe ndër të tjera ka një akademi të madhe, çfarë do të thotë se trajnerët e akademisë janë profesionistë të mëdhenj e po punojnë mjaft mirë. Për të njohur realitetin e Fk Vllaznia, janë shikuar video të ndeshjeve dhe janë dërguar vëzhgues të kualifikuar në vend, ndeshja e fundit e shikuar nga vëzhguesit ka qënë ndeshja Kf Tirana - Fk Vllanzia. Pasi lexuam shënimet e vëzhguesve kemi vendosur të bëjmë një ofertë konkrete për ekipin.

Për të gjithë tifozat që nuk ju njohin, kush është Roberto Nava ?
Shumë e thjeshtë, Roberto Nava është i çmendur pas futbollit, punon në futboll dhe është ortak me Claudio Vigorelli, kam një karrierë si drejtues sportiv prej pothuaj 30 vjetësh, menaxhoj futbollista dhe preferoj t'i jap hapësirë të rinjve në futboll.

Tifozat janë optimistë por dhe mosbesues, duke folur sidomos pas eksperjencës tuaj tek Teuta Durrës, çfarë dëshironi t'i thoni tifozave kuqeblu ?
Eksperienca te Teuta është mbyllur me një respekt të madh nga presidenti z.Hasanbelliu, mik i imi personal dhe njohës i madh i futbollit. Jo gjithmonë mund të fitohet, gjithsesi në Durrës sollëm një staf teknik të respektushëm, tekniku Sorrentino, Pavanello përgatitësi i portierëve dhe profesor Marco Banchini si përgatitës atletik. Përveç lojtarve si Kalu, Shala, Joel dhe Samb, të mos harrojmë surprizen Durim Badalli një mëngjerash me të ardhme përpara të sigurt. Dua të them 2 fjalë edhe për Luca Moscatiello, një futbollist i ri, që ka luajtur tek Inter, Fulham dhe Chelsea…..në Durrës nuk kishte hapësirë, kjo është e trishtë. Pra ajo çfarë Gea Sport ka bërë në Durres përveç temes ekonomike, mendoj se meriton respekt nga të gjithë. Unë ndjehem i qetë sepse që Teuta nuk është në Kupa të Europës nuk duhet të shoh vetëm tek vetvetja, por duhet të shikoj sidomos 2 ndeshjet e fundit në këtë kampionat të Laçit për të shpjeguar këtë situatë. Përveç normalisht 12 barazimeve, 5 nga të cilat pas 90 minuta lojë…pastaj për t'a mbyllur qëndron zhgënjimi për pikët e humbura ndaj Beses. Nëse arrin të vendosësh të gjithë në rregull këto gjëra, Teuta do ishte në Kupa të Europes pa shpresuar favorizime nga rivalët.

Çfarë do të ndryshojë presidenti Nava te Fk Vllaznia?
Nëse qytetit vendos t'ia besojë drejtimin a Gea Sport nuk do ndryshojmë shumë, mendoj se do sillet një staf teknik dhe do përfshihen sipas shënimeve të vëzhguesve 4/5 të huaj për të bërë diferencën, përvec ndonjë futbollisti shqiptarë që më pëlqen shumë…po jap tre emra që do më pëlqente ti shihja të vraponin në Loro Boriçi Ansi Nika, Rolando Peqini dhe një futbollist që do e dëshiroja gjithmonë sepse është i jashtëzakonshëm Akil Jakupi. Por sigurisht merkatoja e ekipit të Vllaznisë do jetë në lartësinë e ekipit dhe në respekt të buxhetit, në futbollin modern çmendurirat paguhen shtrenjtë.

Cilat janë objektivat tuaja në drejtimin e Fk Vllaznia që sot ?
Objektiv të thjeshtë dhe profesionalitet të madh, për mrekullitë nuk jemi akoma furnizuar.

Tifozët presin titullin prej 14 vjetësh: e ndjeni që ti premtoni titullin që vitin e parë?
Programi është 3-vjeçar dhe kujtoj të fitosh nuk është e lehtë por të fitosh i pëlqen të gjithëve dhe mua. Titulli ? Do ishte fantastike ta fitojmë dhe të vendosim yllin…I them gjithmonë miqve të mi dhe bashkëpuntorve “kur do dëgjoj” muziken e Champions, atëherë do mund “të vdes i lumtur” pse të mos ëndërrojmë ? Ëndrrat janë falas.

Versioni në gjuhën italiane


* Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi

Arbër Meçenovi

Dërgo me email | Stampo artikullin