23/04/2014 13:08:34

Të gjithë takohemi në NEXT

Intervistë dhënë HermesNews nga Kryetari i Qarkut Shkodër Maxhid Cungu. ''Synojmë një sistem të qëndrueshëm komunikimi mes aktorëve lokal dhe ndërkombëtar''. Për herë të parë vendet e rajonit komunikojnë në dimension virtual. Projekte dhe prespektiva europiane për rajonin më të madh të veriut

HermesNews - Inovacioni, teknologjia dhe interneti, janë pjesë e prioriteteve të Qarkut Shkodër, kjo jo vetëm për të jetuar në një hap me vendet e tjera rajonale, por dhe për t’i qëndruar besnik dëshirës për një terren të zhvilluar nga ana teknologjike.

Platforma online NEXT përfaqëson atë që quhet e nesërmja, e lidhur fort me të përditshmen e njerëzve dhe bashkëpunimin e institucioneve në nivel europian.

Për herë të parë vendet e rajonit komunikojnë shkencërisht në dimension virtual duke shkurtuar kohë reale dhe distanca ndërmjet ekspertëve që i përfaqësojnë këto shtete. NEXT është "vendi - pritës" i 11 partnerëve të ndryshëm nga gjashtë vende të rajonit dhe Europës dhe Qarku Shkodër është partner esencial gjatë proçesit të ndërtimit dhe shkëmbimit të këtyre informacioneve shkencore. "Janë njëmbëdhjetë partnerë prej gjashtë vendeve si Kroacia, Bosnja, Italia, Serbia, Mali i Zi që përfaqësohen nga autoritete lokale", tha gjatë një interviste për Hermesnews, numri një i qarkut më të madh verior Maxhid Cungu (foto).

Cili është qëllimi i pjesëmarrjes së Qarkut Shkodër në këtë projekt ?


Maxhid Cungu: Synimi kryesor është të ndërtojmë një platformë bashkë me partnerët për t'u mbështur me informacione dhe të punojmë mbi transferimin e teknologjive nërmjet vendeve te Adriatikut dhe të Jonit. Kur flas për transferimin e teknologjive kam parasysh sektorë si agrikultura si dhe sektorë që janë të lidhur me bujqësinë e turizmin që është prioritet i qarkut. Janë njëmbëdhjetë partnerë nga gjashtë vendeve si Kroacia, Bosnja, Italia, Serbia, Mali i Zi që përfaqësohen nga autoritete lokale. Më pas është rajoni Le Marche (Itali) si partner, por janë dhe partnerë të tjerë brenda këtyre zonave si dhomat e ekonomisë, organizata të ndryshme që merren me teknologjinë dhe informacionin. E gjitha kjo, ka si qëllim krijimin e lidhjeve të qëndrueshme ndërmjet subjekteve të ndryshme, shkëmbimin e informacionit ndërmjet tyre, rritjen e kapacitetit konkurues të sipërmarrjeve përmes lidhjeve me qarqet e inovacionit. Projekti është paraqitur nga rajoni Le Marche në kuadër të IPA program, ka fituar dhe më pas është nënshkruar marëveshja.

Çfarë synon konkretisht ?

Maxhid Cungu: Kryesisht përmirësimin e kapaciteteve kërkimore të institucioneve përgjegjëse për politikat e zhvillimit të bujqësisë, turizmit, etj. Ne kemi institucione të ndryshme në qarkun tonë siç janë Drejtoria e Bujqësisë apo Instituti i Transferimit të Teknologjisë Bujqësore, Universiteti, të cilat punojnë në fushën e inovacionit të teknologjisë. Inkurajimin i transferimit të informacionit përmes krijimit të rrjeteve dhe të sektorëve të trajnimit profesional, duke promovuar aktivitete të përbashkëta. Një workshopë të tillë janë bërë para një muaji në universitetin e shkodrës, ku morën pjesë kryesisht pedagogë të unversitetit në fushën e turizmit. Kini parasysh që turizmi është degë ose sektor i cili ka një marëdhënie shumë të drejtperdrejtë me sektorin e bujqësisë.

Si është konceptuar pjesa mbi përmirësimin profesional ?

Maxhid Cungu: Eshtë në fazën e përgatitjes së trajnimeve të stafit, pra partnerët lokal po marrin pjesë bashkë me specialistët e drejtorive të ministrisë së bujqesisë, universiteti si qëndër kërkimore shkencore, dhe ekspertë të ndryshëm zhvillimi. Kjo u jep mundësi për njohjen me teknologjinë bashkëkohore në fushën që përcakton projekti. E rëndësishme është njohja me standartet europiane për teknologjinë dhe normat e reja.

Cilat janë pritshmëritë në lidhje me NEXT ?

Maxhid Cungu: Në këtë projekt roli i Qarkut të Shkodrës është koordinues dhe mbështetës i inisiativave të zhvillimit. Ne synojmë krijimin e një sistemi të qëndrueshëm komunikimi mes aktorëve lokal dhe ndërkombëtar, në dobi të avancimit të teknologjisë që lidhet drejtpërdrejtë me zhvillimin e produktut bujqësor dhe me produktin turistik në teritorin e qarkut të shkodrës. Kjo i shërben direkt objektivave strategjike që ka Rajoni për nxitjen e punësimit dhe koordinimit të politikave lokaleve për nxitjen e punësimit.

Cilat kanë qenë rrezultatet deri tani ?

Maxhid Cungu: Jemi të kënaqur. Rrezultatet e deritanishme kanë qenë në funksion të takimeve që në nivel vendor dhe ndërkombëtar mes ekspertëve të ndryshëm. Eshtë krijuar një urë shumë e mirë bashkëpunimi dhe nje sistem komunikues funksional mes tyre.

A mund të na thoni cilat janë projektet e tjera që lidhen me qarkun ?

Maxhid Cungu: Po kemi projekte të tjera në kuadër të përfitimit ndërkufitar në kuadër të programit IPA, siç është Adrigov që lidhet me partneritetin ndërmjet rajoneve. Adriatik - Jon synon bashkëpunimin mes partnerëve për krijimin e një strategjie të qëndrueshme në këtë zonë. Një projekt tjetër është Youth Adrinet, i cili po përfundon dhe ka si qëllim nxitjen e bashkëpunimit mes të rinjve, njohjen me praktikat më të mira europiane, rritjen e komunikimit, shkëmbime kulturore. Këto janë projekte që financohen nga BE në kuadër të fondeve IPA Adriatik dhe menaxhohen nga stafi i Këshillit të Qarkut Shkodër. Projekte të tjera në ndihmë të Qarkut Shkodër që mbështeten nga donatorë të ndryshëm mund të përmend si shumë të rëndësishëm Programin e Zhvillimit të Rajoneve që financohet nga Qeveria Austriake dhe qeveria Zvicerane. Ky projekt ka si qëllim zhvillimin ekonomik dhe social, minimizimin i pabarazisë së zhvillimit në njësi të ndryshme të territorit që mbulon Qarku, forcimin e kapacitetve menaxhuese, krijimin e strukturave për përgatitjen dhe koordinimin e programeve të menaxhimit si dhe financimin e projekteve të zhvillimit ku ka ndihmë financiare për njësitë e qarkut të shkodrës. Flasim për projekte infrastrukture dhe sociale. Rreth 2 milion Euro janë vënë në dispozicion të njësive vendore të qarkut për projekte zhvillimi të paraqitura nga ato. Për të fituar këto projekte ato i janë nënshtruar një proçesi konkurues me standarte europiane. Projekt tjetër është ai i adresimit në nivel vendor të sfidave të punësimit, i mbështetur nga qeveria zviceriane, që ka partnerë organizatën botërore të punës ILO dhe UNDP. Kemi një projekt tjetër në kuadër të programit “Europa për qytetarët” (Europe for Citizen), i cili ka objektiv forcimin e sipërmarrjeve sociale në fushën e bujqësisë në zonat rurale, këtu partner është rajoni Molise, pastaj dhe projekte si Medland, që ka si qëllimi bashkëpunimin në mbrojtjen e mjedisit. //publiredaksional HermesNews - ©2014//

Gjatë workshoop-it të 3°, fjala e z. Maxhid Cungu

Doriana Metollari

Dërgo me email | Stampo artikullin