19/10/2013 16:50:08

Alfred Milot Mirashi, sfida ''e artë'' për të përfaqësuar Shqipërinë

Vitin tjetër me ekspozitë vetjake në Pekin

KINE - Pjesmarrës në aktivitete të ndryshme ndërkombëtare dhe fitues i disa cmimeve. Alfred Milot Mirashi, është i vetmi artist shqiptar që merr pjesë në ekspozitën kombëtare “Leonardo da Vinci që po zhvillohet prej disa ditësh në Jinan, të Kinës. Një mundësi tepër e madhe për të që të jetë pjesë e këtij evenimenti në Kinë. Viti tjetër sipas Alfredit, do të mund ta gjejë veten tepër të impenjuar në njërin mga muzeumet më të mira të Pekinit. Ekskluzivisht për HermesNeës, Alfred Milot Mirashi, rrëfen gjithcka po sheh dhe përjeton vetë këtu në Kinë si pjestar i rrallë nga Shqipëria.

Je shqiptari i vetëm pjesmarrës në këtë ekspozitë ndërkombëtare? Si ndihesh nga ky privilegj?
Shumë i lumtur. Të jesh pjesë e një evenimenti të tillë jo cdokush e ka mundësinë dhe mbi të gjitha shqiptarët të cilët nuk janë shumë të njohur për botën në artin pamor. Unë kam qenë edhe më parë pjesë e shumë aktiviteteve të mëdha, por ky i tanishmi është shumë më i madh nga përmasat dhe mundësi tepër e madhe për t’u prezantuar.

Si u bë e mundur pjesmarrja në këtë eveniment ndërkombëtar?
Ka qenë ftesa personale e bërë nga miku dhe artisti Vincenso Sanfo, i cili bëri të mundur sjelljen e portretit të Leonardo da Vincit në Kinë së bashku me shumë punime të tjera të artistëve të famshëm botërorë. Ai eshte kritik arti dhe presidenti i Institutit Italian te Kultures ne Torino. Njihem me të prej vitesh dhe më kërkoi që në ekspozitë të paraqes disa prej punimeve të mia më të mira, pasi edhe lloji i aktivitetit ishte ndërkombëtar. Unë zgjodha pikërisht këto dy vepra. Këtu ndikoi goxha edhe fitorja e medaljes së artë në Londër. Falë tij, tashmë ndodhem këtu.

























Cilat janë veprat artistike me të cilat je prezantuar në ekspozitë?
Janë dy prej veprave të mia më të mira. Është fakt i njohur që në pjesën më të madhe të pikturave apo veprave të mia, objekti kryesor është celësi. Pikturat quhen “Kënd Mesdhetar”. Edhe këtu përvec pikturave të hedhura në telajo, sërisht celësin e kam në thuajse cdo pjesë të të dyja veprave.

Aktiviteti i ardhshëm më i rëndësishëm jashtë Italisë?
Puna ime vazhdon sapo unë mbërrij në Itali pas cdo vizite personale apo pune jashtë vendit. Ekspozita e tanishme këtu në Jinan po më pëlqen jashtë mase. Kam menduar që së bashku me mikun tim dhe artistin Vincenso Sanfo, vitin e ardhshëm të organizoj ekspozitën time personale në Muzeun e Artit Modern në Pekin. Kjo do të ishte jo vetëm një ëndërr për mua, por mundësi tepër e madhe për të ardhmen time si artist.

Një pyetje pak e vështirë mbase. Si duken muzeumet e Kinës në krahasim me ato të Italisë?
Italia ka art, kulturë, artistë të përmasave botërore dhe thuajse gjithcka për artin. Por ajo që dua ta them, është se pavarësisht këtyrë që sapo thashë, Kina ka mundësi prezantimi dhe muzeume fantastike. Madje mund të them se i ka shumë herë më të bukura dhe më të mira se ato në Itali.

Unë të uroj shumë suksese dhe shpresoj që vitin tjetër të jeni në Pekin për ekspozitën vetjake sic e keni menduar.
Te falënderoj shumë për intervistën dhe mundësinë që më dhatë. Shpresoj që vitin tjetër të takohemi në Pekin për të treguar se arti nuk ka kufij dhe se arti na bashkon të gjithëve. Faleminderit.

Intervistoi-Edison Myrteza

Dërgo me email | Stampo artikullin