17/10/2013 16:16:44

Më të mirët e artit botëror mblidhen për fotografinë e da Vinçit

Alfred Mirashi përfaqëson Shqipërinë. Autoportreti i Da Vinçit ekspozohet për herë të parë në Jinan

KINE - Kina ka pritur sot në mënyrë origjinale, artin dhe kulturën italiane. Surpriza e gjithckaje ka qenë shfaqja para publikut e portretit “origjinal”, të artistit të famshëm italian dhe botëror, Leonardo da Vinci. Ka qenë Ministria e Kulturës në Kinë, së bashku me Drejtorinë e Kulturës në qytetin Jinan, si dhe ndihmën e jashtëzakonshme të artistit dhe presidentit te Institutit italian të Kultures ne Torno, Vincenso Sanfo, që në Galerinë e Arteve të qytetit Jinan, të zhvillohet ceremonia e paraqitjes së portretit origjinal të Leonardo da Vincit dhe veprat e artistëve të periudhave të ndryshme kohore.

Sipas artistit Vincenso Sanfo, “portreti i Leonardo da Vincit dhe veprat e tjera, janë të ndara në dy pjesë. Pjesa e parë është koleksion veprash antike, të cilat datojnë para 500 vjetësh dhe pjesa e dytë, janë vepra bashkëkohore. Në to përfshihen kryesisht vepra të artistëve italianë dhe europianë ”, është shprehur Sanfo, ekskluzivisht për HermesNews.

Si lindi ideja për hapjen e një ekspozite të tillë këtu në Kinë ?
Kisha kohë që po e mendoja dhe po kërkoja mundësi ekspozimi. Për fat të mire, unë kam gati 20 vjet që jetoj në Kinë dhe kam arritur të bëj miq artistë kinezë por edhe të interesuar të tjerë, të cilët e duan artin. Kjo më ndihmoi shumë.

Një ekspozitë e tillë organizohet për herë të parë ?
Gjatë kohës së qëndrimit tim të gjatë në Kinë, ka patur edhe paraqitje para publikut të ekspozitave të tjera. Por mund të them se është hera e parë që portreti origjinal i Leonardo Da Vincit, por edhe vepra të artistëve të tjere të famshëm ndërkombëtare paraqiten në këtë mënyrë.

Cila është e vecanta e kësaj ekspozite ?
E vecanta qëndron në faktin se përvec paraqitjes së portretit origjinal të Leonardo da Vincit, këtu janë edhe vepra të cilat datojnë para 500 vjetësh, por edhe vepra bashkëkohore të viteve të fundit. Pikërisht, këtu është edhe e vecanta. Shumë pak njerëz kanë patur fatin që t’i shohin këto vepra dhe këtë ikonë të artit italian dhe botëror.

Si ka qenë interesimi për ekspozitën ?
Sic e sheh, salla është e mbushur plot e përplot. Këtu ka jo vetëm artistë dhe njerëz të artit, por edhe njerëz të thjeshtë, të cilët duan të shohin dhe dinë më tepër për Da Vincin dhe veprat e tjera. Ndihem vërtet tepër i kënaqur për këtë vlerësim që i bëhet artit në vecanti, mua si organizator, por edhe publikut që i jepet mundësi të vlerësojë dhe shohë vetë gjithcka. Vërtet, nuk e kisha menduar se do të kishte këtë interes kaq të madh. Ndihem shumë i lumtur. //HermesNews ©2013// Na ndiqni dhe në Facebook dhe Twitter

Edison Myrteza

Dërgo me email | Stampo artikullin