09/10/2014 11:43:33

Shqiptarët që shpëtuan hebrejtë u shfaq film në NY

CNN ''Kjo është Besa shqiptare në një film hebre''

CHELSEA NEW YORK - Në Festivalin e 3të, të Filimit Shqiptar, në kinemanë "SVA" në New York (foto), të hënën në mbrëmje krahas filmave konkurrues, është shfaqur dhe premiera e filmit dokumentar Besa - Premtimi, ku tregohet një histori e jashtëzakonshme dhe e papërsëritshme. Shqiptarët, renditen ndër të vetmit komb në botë, që u dolën në mbrojtje hebrejve gjatë Luftës së Dytë Botërore, duke mos dorzuar as edhe një hebre. Johana Neuman e mbijetuar e Holokaustit, një prej personazheve të filmit, tregon për CNN se si mbërriti në Shqipëri nga Gjermania, bashkë me familjen dhe asokohe kur ishte vetëm 8 vjeç. "Unë dua të nënvizoj faktin se çdo shqiptar, apo çdokush që ndiqej nga gjermanët nëse fshihte një hebre, jeta e tij dhe ajo e familjes së tij ishte në rrezik. Ata e bënë dhe ishte e pabesueshme. Nuk mund të theksohet mjaftueshëm se çfarë bënë shqiptarët. Besa ishte pa dyshim pjesë e kulturës që vjen nga Kanuni, udhërrëfyesi i tyre moral", thotë Johanna Neumann. Misioni i tanishëm i fotografit, Norman Gershman është t’ua rrëfejë të rinjve amerikanë në shkollat e mesme konceptin e besës. "Besa është një mesazh për botën, thotë ai, për vëllazëri dhe dhembshuri për të gjithë ata njerëz në nevojë dhe që u përket vetëm shqiptarëve", tha artisti.

HermesNews - ©2014

Dërgo me email | Stampo artikullin