18/11/2014 15:46:55

Gara për tre segmente në jug

30 skuadra, nga të cilat janë përzgjedhur 6 do të merren me reabilitimin e segmentit të Orikumit, Sarandës dhe Himarës

TIRANE - Ministria e Zhvillimit Urban dhe Turizmit hapi të martën konkursin ndërkombëtar për rehabilitimin e vijës bregdetare të jugut dhe korridorin ekonomik Tiranë - Durrës. Në fazën e parë të garës kanë marrë pjesë 30 skuadra, nga të cilat janë përzgjedhur 6 prej tyre, që kanë bërë prezantimet e projekteve përkatëse. Konkretisht për vijën bregdetare jugore, bëhet fjalë për rehabilitimin e segmentit të Orikumit, Sarandës dhe Himarës. Në kushtet kur infrastruktura rrugore është e amortizuar dhe pa një plan të mirëfilltë zhvillimi, vënia në zbatim e projekteve fituese do të ndikojë dretpërsëdrejti në zhvillimin e turizmit dhe përmirësimi e jetesës për banorët e këtyre zonave. Pas prezantimeve, juria në bashkëpunim me përfaqësues vendorë të këtyre zonave, do të bëjnë përzgjedhjen e projekteve fituese, të cilat më tej do të zbatohen në terren. Është një konkurs ndërkombëtar projektimi për përmirësimin e hapësirave publike në vijën bregdetare të Jugut. Riviera, që tërheq numrin më të madh të turistëve që vizitojnë Shqipërinë është një gjenerator për ekonominë e të gjithë rajonit, mbi të gjitha gjatë sezonit së verës.

HermesNews - ©2014

Dërgo me email | Stampo artikullin