12/04/2014 09:15:58

Zupa

nga Brunhilda Çela

Sekretet e aromave të Brunhildës Që ta dini të dashur miq, zupa është një nga vmbëlsirat e mia më të preferuara. Tek libri im ka dy receta zupash një me brum sfoliat dhe atë të zupës klasike me pandispanjë, krem pastiçieri e ajkë të rrahur lart ( foto).

Sot bëra një zupë tjetër më të thjeshtë duke eleminuar kremin pana lart.Kremin e pastiçierit e bëra siç bëhet zakonisht kremi i pastiçierit vezë, qumësht, niseshte, esencë vaniljeje, sheqer, i vura pak lëkurë limoni dhe qumështin e përzieva me krem krem pana.

Ndërsa si pandispanjë përdora recetën e ëmbëlsirës valët e danubit shikoni aty recetën por masat që përdora sot ishin të përgjysmuara.

Sigurisht që shtresat i bëra me një salcë qershie (e theksoj salcë e jo recel).

Salcën e bëra shumë shpejt duke karamelizuar sheqerin shtova qershitë vura pak verë të kuqe dhe pak liker qershie dhe shumë pak karafil. Me këtë spërkata pandispanjën.

HermesNews - ©2014

Dërgo me email | Stampo artikullin