11/12/2013 09:22:26

Byrek në formë keku

nga Brunhilda Çela

Sekretet e aromave të Brunhildës Këtë ide ma dha sot një mikja ime e mirë shkodrane. Adashka ime i them unë, Ilda Kraja Rexha. Ajo kishte bërë një byrek të tillë dhe menjëherë u frymëzova, ngaqë kisha shumë peta që më kishin mbetur.

M'u desh të marr dhe ca peta të freskëta për anën e jashtme, nuk pata kohë t'i bëja vetë, kisha një pako me peta të gatshme. Formën e kekut në fillim e lyeva me gjalpë të tretur kudo, dhe fillova të shtroj dy radhë peta të freskëta, petet e freskëta, i spërkata pak me lyrë.

Për mbushjen unë bëra dy byreqe, njërin me kos e tjetrin me qumësht vezë e gjalpë. Ky me kos u bë me kos, mascarpone, 2 vezë, gjizë e pak kripë, lyrë nuk i hodha se mascarpone, është plot yndyrë dhe fillova shtro një shtresë peta të thyera pak yndyrë,një shtresë mbushje e kështu me radhë, derisa u mbush forma.

Lart e mbylla me petat e freskëta dhe e vura për t'a pjekur. Gjatë pjekjes që mos të rrëmbehej ngaqë e lashë rreth 45 minuta të piqej në 185 gradë e mbulova me letër alumini. Pasi u poq e lashë pak në furrën e nxehtë të kullojë mirë të mbuluar me një tepsi.

Pastaj e përmbysa dhe e servira të ngrohtë. Mund të bëni dhe me qumësht, vezë e gjalpë (përpeç), me spinaq, me presh, me lakër etj etj....Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin