25/09/2013 08:03:28

Tartë me mollë e dardhë

nga Brunhilda Çela

Për brumin:
250 gr miell
220 gr gjalpë
1 pako sheqer vaniljeje
1 luge kafeje pluhur pjekës
60 gr sheqer pluhur ose sheqer të imët
lëkura e limoni 1 lugë
4 të verdha veze
1-2 lugë qumësht nëse iu del i fortë brumi ose pak miell me tepër nëse ju del i qullët

Me të gjithë përbërësit dje zura një brum dhe e lashë në frigorifer. Sot qërova gjashtë mollë, katër dardha (të grira e të qëruara ishin rreth 650 gr. gjithsej).

Frutat i preva në copa të imëta i vura një filxhan rrush të thatë, të zbutur në rum më parë, lëngun e një limoni, pak lëkur limoni, mora tre lugë gjelle gjalpë e i vura në tigan dhe i karamelizova me një filxhan çaji sheqer.

Shtova aty mollët e dardhët dhe 2 lugë grizë, i lashë të marrë ca valë masa, të trashet dhe të lidhet e në fund fare e hoqa nga zjarri, i shtova kanellen dhe arrat.

Brumin e hapni me peç mbi një letër, nxirreni nga frigoriferi dhe lëreni në temperaturën e ambjentit njëherë sa të marrë temperaturën e ambjentit se kështu hapet më lehtë.

Petën e hollë e hapni lehtë duke pasur parasysh diamatrin e tepsisë që do piqet, duhet t'a shënoni më parë dhe nja 3-4 gisht të dalë jashtë. Masën e mbushjes lëreni të ftohet. Pra një çikë punoni këtu dhe me sy e në bazë të tavës që do e piqni.

Pastaj thurjen shikojeni në foto. Unë sot e ndryshova, i bëra me të hollë shiritat dhe duke i ndarë tre nga "tre - dy" i kaloj kryq e të mesit e mbledh role.

Mund të bëni dhe forma të tjera.... përdorni fantazinë tuaj. E piqni në 185 gradë rreth 45 minuta me kujdes të marrë ngjyrë të bukur po jo të digjet. Në fund fare mund ta lyeni mesin me pak pekmez molle të zier dhe me një furçë e lyeni gjithandej, do shkëlqejë. Ju bëftë mirë nëse e provoni ! Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin