14/09/2013 07:49:36

Fileto viçi me salcë kërpudhash pylli

nga Brunhilda Çela

Sekretet e aromave të Brunhildës Recetë shumë e thjeshtë (fotot e gatimit)
800 gr kërpudha të freskëta pylli
500 gr fileto viçi
1 tufë majdanoz
3 qepujka të vogla
pak vaj ulliri
1 lugë miell
1 tufë majdanoz
pak vegete natyrore
ujë ose lëng mishi 250 ml
krem pana 100 ml
1 lugë miell
kripë, piper























Mishin e viçit e marinova thjesht vetëm me kripë, piper e vaj ulliri dhe e lë të pushojë mbështjellë me folie guzhine. Pilafin e bëra me gjalpë, 1 qepujkë të grirë imët e lëng mish viçi (koncentrat vici)

Përgatitja është shumë e thjeshtë. Në fillim bëra pilafin me 3 garuzhdë oriz kokërr vogël, rreth 40 gr gjalpë, 1 qepujkë tv grirë. I kavërdisa sa orizi të nxehet dhe qepa zbutet.

Lëngun e mishit që është përgatitur më parë (pra me erëza dhe kripë) e ziej dhe ia hedh orizit, e ziej shumë ngadalë derisa e pi plotësisht lëngun, e lë pak të pushojë duke e mbuluar me një pecetë të lagur që të kullojë pilafi dhe të dalë i shkrifët.

Në një tigan tjetër të thellë hodha vajin e ullirit të ngrohet pak shtova qepën e grirë imët i kaverdis pak sa zbutet qepa, shtoj kërpudhat dhe vazhdoj kavërdisjen derisa zbuten dhe kërpudhat.

Shtova miellin e kaverdisa dhe pak e shuaj me ujë (mund t'i vini dhe pak verë) ose lëng mishi, shtoj kripën, vegetën dhe e lë të marrë ca valë. Në fund i vë dhe kremin pana e lë të ziejë pak, salca lidhet por jo të dalë shumë e trashë, në fund fare i shtoj dhe majdanozin e grirë.























Mishin e bëj në fund fare pasi të gjitha gjërat janë gati që ta servirim të ngrohtë. Nxeh tiganin e zgarës fort, pa vaj fare sa të nxehet shumë dhe aty vë mishin e marinuar me vaj ulliri shtoj filetot dhe i pjek nga të dyja anët rreth 3 minuta, pastaj fik sobën i lë të pushojnë pak në tigan.

Ato vazhdojnë të bëhen në nxehtësinë e mbetur. Mua më pëlqen që foletoja të jetë rozë brenda dhe e butë nëse e lini shumë ajo thahet e nuk ka atë shije që duhet të ketë. E servirim me salcën e ngrohtë dhe pilafin në pjatë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin