04/07/2013 09:40:08

Bruschetta

nga Brunhilda Çela

Sekretet e aromave të Brunhildës Kjo është një darkë e shpejtë dhe e thjeshtë e mbi të gjitha tani verës e bëj shpesh, kur buka e zezë më ngelet dhe është e fortë. Meqë domatet kastravecat e specat tani kanë aq shume shije preferoj këtë lloj specialiteti.

Sot e bëra me domate të grira në kubikë të vegjël, kastraveca po ashtu, specë, djath të bardhë, borzilok, rigon, qepë, vaj ulliri. Bukët i skuqa me pak vaj ulliri në tigan zgare nga të dyja anët.

Sigurisht bëhet dhe me bukë të bardhë, por unë në përgjithësi e bëj me bukë të zezë kur e kam. Del shumë e mirë e mbi të gjitha është e shpejtë.

Kur kam më tepër kohë skuq dhe patëllxhanë e kungulleshka në kubikë të vegjël, i përziej me domate, speca dhe ia vë bukës lart, i shtoj dhe hudhëra, rigon dhe pak djathë. I vë në furrë të marrë një faqe sa të shkrijë djathin.

HermesNews - ©2013

Dërgo me email | Stampo artikullin