27/04/2013 05:56:21

Tavë kosi me mish pule (sipas mënyrës sime)

nga Brunhilda Çela

Sekretet e aromave të Brunhildës Qëllimisht nuk ia kam vënë emrin "Tavë Elbasani", unë këtë e quaj tavë kosi, pasi ata nga Elbasani ndoshta e bëjnë vetëm me mish qëngji dhe ndryshe. Nuk jam nga Elbasani dhe nuk pretendoj të jem njohëse e "Tavës së Elbasanit".

Mua personalisht përveç asaj tradicionales me mish qengji dhe me pulë fshati më pëlqen shumë tava e kosit. Mënyrat janë nga më të ndryshmet edhe në Elbasan nuk e bëjnë të gjithë njëlloj, unë kam provuar njëherë t'a bëj sipas tavernës Rustik që gjeta në youtube duke e skuqur miellin dhe duke e lidhur me lëngun por ndryshoi në shije shumë nga kjo që bëj gjithmonë, nuk më pëlqeu, ndoshta ngaqë jam mësuar me këtë lloj tave.

Në disa zona andej nga Gjakova psh e bëjnë me hudhër, mua nuk më pëlqen me hudhër, më duket tepër e rëndë, por kjo ështv çështje shijeje, nëse doni mund ta provoni dhe me hudhër.

Por më kujtohet nga fëmijëria tava e kosit që bënte ime më si me mish qëngji dhe me pulë fshati kur piqej në furrë druri kishte një shije të mrekullueshme. Receta ime nëse ju intereson ajo që më nderon gjithmonë dhe që më shijon mua, fëmijëve dhe miqve të mi është kjo:

Për këtë tavë përdora këto masa: Pula ishte 1700 gr unë mora vetëm kofshët dhe gjoksin pra rreth 1kg mund të them, ishte mish pule bio (pule fshati).
kos 1kg
tre veze
60 gr gjalpe
vaj ulliri ose merrni gjalpe perseri per te pjekur ose skuqur mishin e pules me pare rreth 3 luge gjelle.
kripe, piper
1 qepe te vogel (kete ia shtoj une recetes i jep tjeter shije)
uje 400-500 ml
3 luge gjelle oriz
2 luge gjelle miell ose niseshte

Përgatitja: Mishin e lajmë e fshimë mirë lagështirën, e presim në copa e kriposim. Në fillim e skuqa mishin në furrë me vaj ulliri sa mori faqe nga të dyja anët ose e skuqni mbi sobë, por në furrë ka tjetër aromë, pastaj shtova qepën e grirë hollë sa të zverdhet pak, e shuajmë me 400 ml-500ml ujë kripë dhe e lëmë të zihet mishi pak në furrë shtojmë dhe orizin më vonë aty dhe e heqim kur orizi të jetë gjysëm i zier, nuk ka nevojë plotësisht pasi piqet rreth një orë në 185 grade sa te mpikset plotesisht tava te marre faqe, edhe mishi ketu piqet plotësisht.

Në një tas përziejmë vezët, kosin dhe niseshtenë ose miellin këtë të fundit e tresim më parë me kos dhe ia shtojmë të tretur. Masës i hedhim kripë. Pastaj kur të jetë gati lëngu heqim copat e mishit dhe lëngun e përziejmë me kosin.

Lëngu që ngeli pas zierjes së mishit ishte rreth 250 ml. Këtu hedhim dhe pak piper nëse na pëlqen ose e lëmë për t'ia hedhur në fund. Shikojeni për kripë nëse do më shtojini edhe pak.

Masën e hedhim në tavën e baltës të cilën e kam lyer më parë me vaj ose gjalpë kudo shtojmë dhe copat e mishit aty sipër dhe e vëmë të piqet në temp. 185 gradë rreth 1 orë. Pas një ore është gati, unë e lë të rrijë pak përpara se ta servir të paktën 10-15 min.

HermesNews - ©2013

Dërgo me email | Stampo artikullin