19/11/2014 00:50:58

Vllaznia përgënjështron zërat, Ranieri nuk lëviz

Lajmi i cili po qarkullonte në lidhje me skuadrën e Vllaznisë e cila po kërkonte një tranjer të ri, është përgënjështruar nëpërmjet një deklarate të dhënë për shtyp nga vetë drejtuesit e Klubit Shkodran të cilët e kanë postuar në faqen e tyre zyrtare në Facebook

HermesNews - Lajmi i cili po qarkullonte në lidhje me skuadrën e Vllaznisë e cila po kërkonte një tranjer të ri, është përgënjështruar nëpërmjet një deklarate të dhënë për shtyp nga vetë drejtuesit e Klubit Shkodran të cilët e kanë postuar në faqen e tyre zyrtare në Facebook.

Në deklaratë thuhet se skuadra e Vllaznisë e ka një tranjer të sajin dhe nuk kërkon asnjë tjetër. Më tej sqaron opinionin publik dhe tifozërinë e cila së fundmi është dizinformuar nga media pas lajmit që Ismet Munishi do të vijë në drejtim të skuadrës veriore.

Më poshtë lexoni deklartën e plotë:

DEKLARATE PER SHTYP
Klubi i Futbollit Vllaznia është i detyruar që përmes kësaj deklarate për shtyp të sqaroj mbarë opinionin sportiv shkodran e më gjerë në lidhje me lajmet që kanë qarkulluar diten e sotme për gjoja një ofertë që gjoja i është bërë trajnerit kosovar Ismet Munishi për të marrë drejtimin e skuadres sonë.
Së pari, duam të sqarojmë se ka patur një bisedë të drejtorit sportiv Armir Grima me të gjatë vizites së tij në Prishtine por përveç bisedes rreth situates që po kalon Vllaznia nuk eshte diskutuar për ndonjë ofertë të mundshme në adresë të tij për të marrë drejtimin e ekipit tonë.
Së dyti, edhe nëse do donim t'i bënim një ofertë këtij trajneri, natyrisht që ai nuk mund të bëhet trajner i Vllaznise sepse ai ka vetëm liçensen UEFA B me të cilen nuk mund të drejtosh as ekip të kategorisë së parë në Shqiperi dhe jo më ekip të Superliges.
Së treti dhe ajo çka është më e rëndësishmja, Vllaznia nuk është duke kërkuar trajner. Ajo e ka trajnerin dhe ai është Baldo Raineri tek i cili kemi besim për ndryshimin e situates. Nëse do ishte për ta larguar këtë trajner, do të pranonim dorëheqjen e dhënë prej vetë atij dy javë më parë dhe fare lehtë mund të kërkonim një trajner tjetër. Kjo tregon se nuk kemi kërkuar dhe nuk po kërkojmë trajner sepse Vllaznia e ka trajnerin.
Ju faleminderit për mirëkuptimin!
Klubi i Futbollit Vllaznia

Arbër Meçenovi

Dërgo me email | Stampo artikullin