14/11/2014 11:50:09

Qytetarët homazhe para eshtrave të Isa Boletinit

Më 28 nëntor 2014, nën patronatin e Kryeministrit të Republikës së Kosovës, Hashim Thaçi, do të bëhen rivarrimi i eshtrave të heroit kombëtar Isa (Adem) Boletini dhe Jonuz (Ahmet) Boletinit

PRISHTINË - Lidhja e Historianëve të Kosovës "Ali Hadri" kërkon që një ditë para se të dërgohen eshtrat e Isa Boletinit në Mitrovicë, të sillen në Isniq për të qëndruar disa orë. Qytetarët do të bëjnë homazhe pranë arkivolit. Lidhja i ka dërguar letër Komisionit Shtetëror ku shkruhet se më 1908, pas sulmit të ushtrisë të Perandorie Osmane ndaj Kullës së Familjes Boletini në Boletin të Mitrovicë, Isa Boletini bashkë me familjen e tij largohet në drejtim të Isniqit, ku strehohet të kushërinjtë e parë të tij. “Po ashtu, ka edhe mjaft fakte argumentuese, të cilat e bëjnë të pandashëm Isa Boletinin me Isniqin. Fakt tjetër është edhe organizimi dhe mbajtja e Kuvendit të Parë në Isniq në fillim të muajit prill të vitit 1910. Isa Boletini, ishte prijësi kryesor i këtij Kuvendi. Edhe kur u vra në Podgoricë të Malit të Zi, bashkë me Isa (Adem) Boletinin ishte edhe Misin Bala nga Isniqi. Isa Boletini, në qetat e tij kishte me qindra ushtarë nga Isniq”, thuhet në njoftim.

HermesNews - ©2014

Dërgo me email | Stampo artikullin