13/11/2014 15:53:38

OSBE, prona dhe e drejta e banimit

Qëllimi i forumit, është të identifikojë përmirësimet e nevojshme në kornizën e tanishme ligjore dhe të politikave

PRISHTINË - Misioni i OSBE-së në Kosovë do të organizojë sot në Prishtinë një forum me temë pronën dhe të drejtën e banimit për përfaqësues të gjitha komuniteteve, që jetojnë në Kosovë, ministritë relevante dhe Agjencinë Kosovare të Pronës. Qëllimi i forumit, sipas një njoftimi për media, është të identifikojë përmirësimet e nevojshme në kornizën e tanishme ligjore dhe të politikave, si dhe zgjidhjet për çështjet e hapura që lidhen me shpronësimin e tokës, rregullimin e vendbanimeve joformale, si dhe parandalimin e uzurpimit të paligjshëm. Në takim do të flasin Shefi i Misionit të OSBE-së në Kosovë Ambasadori Jean-Claude Schlumberger, Ministri për Komunitete dhe Kthim, Dalibor Jevtic, dhe Kordinatori për të Drejta Pronësore në Zyrën e Kryeministrit Muhamed Krasniqi.

HermesNews - ©2014

Dërgo me email | Stampo artikullin