11/11/2014 19:11:34

Mustafa falenderon Ramen

''Pa asnjë dyshim ka përmbushur edhe një oblgim kushtetues si kryeministër i Republikës së Shqipërisë për t’u kujdesur në lidhje me pozicionin e shqiptarëve kudo që jetojnë''

PRESHEVË - Kryetari i komunës së Preshëvës, Ramiz Mustafa, përgëzoi sot kryeministrin shqiptar Edi Rama për qëndrimin e tij në konferencën për shtyp me kryeministrin e Serbisë Vuçiç dhe për përkushtimin për të gjithë shqiptarët dhe veçanërisht në Luginën e Preshevës.
Gjatë fjalës së tij në takimin e organizuar në Pallatin e Kulturës për ardhjen e kryeministrit Edi Rama në Preshevë, Mustafa theksoi se “një përkushtim i veçantë, një përkushtim për të cilin që padyshim ka qenë i njohur edhe më përpara, një problem i Luginës së Preshevës. Kryeministri Rama nga Beogradi kërkoi që të zgjidhet ky problem duke shfrytëzuar metoda më të mira të mundshme të rajonit dhe duke e krahasuar me serbët në veriun e Republikës Kosovës dhe mbarë territorit të Kosovës që gëzojnë në mënyrë shumë më të madhe të drejta sesa shqiptarët e Luginës së Preshëvës”. Kreu i komunës së Preshevës nënvizoi se “pa asnjë dyshim ka përmbushur edhe një oblgim kushtetues si kryeministër i Republikës së Shqipërisë për t’u kujdesur në lidhje me pozicionin e shqiptarëve kudo që jetojnë”.

HermesNews - ©2014

Dërgo me email | Stampo artikullin