11/11/2014 19:04:24

Thaçi vlerëson vizitën e Ramës

Vizita e Rames ishte hap pozitiv për përmirësimin e marëdhënieve ndërmjet Serbisë dhe Shqipërisë

PRISHTINË - Kryeministri i Kosovës, Hashim Thaçi, përshëndet dhe e vlerëson historike vizitën e Kryeministrit të Shqiqërisë, Edi Rama në Beograd dhe e përgëzon veçanërisht për qëndrimin që mbajti lidhur me domosdoshmërinë e njohjes së realitetit të Kosovës së pavarur. “Dua të përshëndes vizitën e rëndësishme të kryeministrit të Republikës së Shqipërisë në Republikën e Serbisë, duke e vlerësuar këtë takim dypalësh si një hap të frytshëm në përmirësimin e marrëdhënieve mes këtyre dy shteteve dhe në krijimin e një klime të fqinjësisë së mirë për mbarë Ballkanin”. Besoj, vijon Thaçi, se kjo vizitë historike dhe nënshkrimi i tre marrëveshjeve të rëndësishme të bashkëpunimit, po shënojnë një kapitull të ri të ndërtimit të raporteve të mira e me baza të shëndosha mes dy popujve. “Përgëzoj veçanërisht homologun Rama për qëndrimin që mbajti lidhur me domosdoshmërinë e njohjes së realitetit të Kosovës së pavarur, për mbështetjen që i dha dialogut Prishtinë-Beograd, si dhe për solidaritetin që dëshmon për bashkombasit tanë të Luginës së Preshevës”, thekson Thaçi.

HermesNews - ©2014

Dërgo me email | Stampo artikullin