04/11/2014 18:21:11

FIFA kundër UEFAs. Nuk duhej të vinte të dyja skuadrat bashkë

Deklarata e Blatter, ''ne nuk duhet të krijojmë situata, ku politikanët mund të abuzojnë platformën e futbollit''

TIRANË - Fajet indirekt i ka UEFA për ngjarjen që ndodhi në stadiumin e Beogradit. Ky është opinioni i presdenti i FIFAs Sepp Blatter. UEFA nuk duhej t'i vinte në të njëjtin grup të dyja skuadrat.Deklarata u dha gjatë një interviste për televizionin Russia Today. "Unë mendoj se tani të gjithë janë vënë në alarm për të evituar situata të tilla në të ardhmen, pasi ne nuk duhet të krijojmë situata, ku politikanët mund të abuzojnë platformën e futbollit. Ne thjesht duhet të bëjmë të kundërtën, pasi futbolli është aty për të lidhur njerëzit", tha ai. Në studion e gazetares, Sophie Shevarnadze, gjatë një bashkëbisedimi për Botërorin e vitit 2018 që do të luhet në Rusi, shefi i FIFA-s u pyet dhe mbi çështjen e bojkotit të propozuar nga disa vende për Kupën e Botës, që do të zhvillohet pas 4 viteve, si përgjigje ndaj politikës së jashtme të Rusisë. Blatter u përgjigj se, "FIFA nuk ka asnjë dyshim që Botërori do të zhvillohet në Rusi, duke u shprehur kundër idesë së bojkotit".

HermesNews - ©2014

Dërgo me email | Stampo artikullin