04/11/2014 13:58:48

Çelet konferenca për sigurinë

Në këtë konferencë rajonale pritet të marrin pjesë përfaqësues të policive dhe doganave nga vendet rajonale si Shqipëria, Mali i Zi dhe Maqedonia

PRISHTINË - Policia e Kosovës dhe Doganat e Kosovës, të mbështetur nga Ambasada Amerikane, zhvillojnë sot Konferencën rajonale për sigurinë kufitare. Në këtë konferencë rajonale pritet të marrin pjesë përfaqësues të policive dhe doganave nga vendet rajonale si Shqipëria, Mali i Zi dhe Maqedonia. Në këtë konferencë pritet të marrin pjesë edhe përfaqesuesit më të lartë të shtetit, si dhe përfaqësues nga institucione vendore dhe ndërkombëtare si; Kryeministri në largim i Republikës së Kosovës Hashim Thaqi, Ambasadorja Amerikane znj.Tracey Ann Jacobson, Ministri i Punëve të Brendshme z.Bajram Rexhepi, Ministri i Financave Bedri Hamza, Zëvendësdrejtori i Përgjithshem i PK-së, Naim Rexha, Drejtori gjeneral i Doganave të Kosovës, Lulzim Rafuna, si dhe përfaqësues të tjerë të niveleve të ndryshme vendore dhe ndërkombëtare.

HermesNews - ©2014

Dërgo me email | Stampo artikullin