26/10/2014 16:13:38

Chanel 2015: në rradhë të parë gratë

Chanel në koleksionin e 2015 vë në qëndër të vëmëndjes të drejtat e grave

PARIS - “Make Chanel, not war”. Eshtù ky sllogani i ri i fushatës së firmës së njohur Chanel për sfilatën e vitit 2015 të prezantuar nga Carl Lagerfeld gjatë javës së modës në Paris. Stilisti ka sjellë në sfilatë një parade të vërtetë grash , si në marshet e viteve ’60, për të ritheksuar edhe njëherë një mesazh që shpesh dashur e padashur lihet mënjanë. Gratë vazhdojnë të mbeten ende sot viktima të dhunës dhe nënshtimit mashkullor, me të drejta të kufizuara, të drejta që tashmë ne shekullin e XXI duhet të ishin të fituara dhe të parrezikuara.

Pak ditë para sfilatës, aktorja Ema Watson pati lançuar një fushatë e titulluar “He for she” ku ftonte të gjithë meshkujt të luftonin bashkë me gratë për një shoqëri të barabartë. Kështu Carl Lagerfeld pranoi ftesën e Emas duke sjellë në bulevard një fushatë mode me tone feministe.
Mjaft është përhapur edhe hashtagu #chanelboulevard duke kthyer kështu një event mode në një fushatë të vërtetë marketing dhe sensibilizimi mbi barazinë dhe të drejtat e grave.

Përsa i përket sfilatës, ky koleksion karakterizohet nga një shumëllojshmëri ngjyrash me imazhe lulesh dhe gjethesh. Gjithashtu mjaft hapësirë u dha edhe veshjeve të femrave në karrierë. Nuk mungoi klasikja bardhë e zi. Një bashkësi ngjurash e nuancash për t’I dhënë figurë dhe zë imazhit të gruas që lufton për barazinë me mashkullin pa humbur karakterin e saj romantik. “Ladies first”.

Daniela Vathi

Dërgo me email | Stampo artikullin