26/10/2014 13:20:09

Art për të gjithë

E shtuna falas në Galerinë Kombëtare të Arteve ka si qëllim nxitjen e publikut drejt artit

TIRANE - Në sallat e Galerisë Kombëtare të Arteve gjatë ditës së sotme, të shumtë kanë qënë vizitorët të cilët i janë përgjigjur pozitivisht ftesës së GKA-së për ta vizituar vizituar falas galerinë.Nisma e quajtur, “E shtuna falas në Galerinë Kombëtare të Arteve”, e cila vjen me qëllim nxitjen e publikut drejt artit dhe kulturës, ka bërë që GKA sot të çelë dyert e institucionit, i cili është vizituar nga disa fëmijë të vegjël shoqëruar nga prindërit, nxënës, të rinj dhe të moshuar, të cilët kanë shijuar sot të vërtetën e artit pamor shqiptar. “Retrospektivë”, ekspozita e cila paraqet veprat e Sadik Kacelit, ka qënë edhe ajo që ka tërhequr vëmëndjen e pjesës më të madhe të vizitorëve, të cilët janë ndalur për të shijuar vizatimet, grafikat, dhe pikturat e realizuara nga Artisti i Popullit përgjatë viteve 1920, e deri në fund të viteve 1990. “E shtuna falas në Galerinë Kombëtare të Arteve” ka si qëllim nxitjen e publikut drejt artit dhe kulturës, në prag të nisjes së projektit të “Edukimit Artistik”, dhe GKA me këtë rast do të mirëpres me hyrje falas një të shtunë në çdo muaj të gjithë publikun.

HermesNews - ©2014

Dërgo me email | Stampo artikullin