26/10/2014 13:08:12

Patëllxhanë të mbushur

nga Brunhilda Çela

HermesNews - Këtë po ua jap si ide më tepër pasi dhe prej fotove shihet mese është mbushur dhe me çfarë. Por ju mund të bëni mbushje të ndryshme sipas shijes suaj. Mund ta vini në një formë ose dhe në forma të vogla. Unë kam provuar këtë recetë me makarona penne:

Përbërësit: Patëllxhanë mesatare të prerë në feta 0,5 cm të trashë

90 gr djath të grirë (peccorino romano) (ose ndonjë lloj djathi tjetër kaçkavall që ju pëlqen juve) plus 30 gr për në fund
180 gr djath mozarella të tymosur
500 ml salcë domateje të gatshme (pra pure domate në kuti)
150g bizele (unë i kisha të ngrira)
55 ml verë (Marsala)
2 - 3 thelba hudhër
450 gr mish të grirë viçi
1 qepë mesatare të grirë hollë
225g makarona penne
¼ lugë çaji piper i zi i bluar

1/2 lugë çaji kripë
70 ml vaj ulliri plus 2-3 lugë gjelle
borzilok një tufë e vogël

Përgatitja: Në fillim do piqni patëllxhanët më pak vaj ose duke i lyer me një furçë guzhinë në tigan zgarë. Zjeni makaronat sipas udhëzimeve të pakos që keni blerë. Në një tenxhere bëni salcën duke kavërdisur në fillim qepën me 2 - 3 lugë vaj ulliri, shtoni aty dhe mishin e grirë, salcën e domates verën, piperin kripën dhe e ziejmë derisa të bëjmë një salcë të zakonshme makaronash. Nga fundi shtojmë dhe hudhrat. Bizelet i lëmë të marrin ca valë dhe në fund fare kur e heqim shtojmë dhe borzilokun. Këtë salcë mund ta bëni dhe duke i shtuar ca karrota të grira dhe selino të grirë hollë, i jep akoma me shumë shije salcës. Salcën e përziejmë me makaronat e zjera dhe djathin e grirë. Në një formë do shtrojmë fetat (shiko fotot) që të dalin nga forma). I mbushim dhe i mbulojmë. I fusim në furrë rreth 10 - 15 minuta sa të shkrijë djathi. I heqim nga forma dhe i servirim të ngrohtë me djath të grirë lart. Nëse e bëni me forma të vogla mund ta servirni në pjatë duke vënë salcë domateje të përgatitur me domate të freskëta, vaj ulliri, hudhra, kripë piper dhe borzilok. Bon Appetit !

HermesNews - ©2014

Dërgo me email | Stampo artikullin