23/10/2014 16:38:28

Fillojnë reshjet e dëborës

Temperaturat kanë pësuar një ulje me 3 deri në 4 gradë, ndërsa në zonat malore kanë shkuar në minus zero gradë. Panariti në Lezhë

TIRANE - Në vendin tonë, moti me diell e temperaturat e larta ia kanë lënë vendin shirave erërave të forta dhe borës në zonat malore. Të gjitha këto ndryshime kanë ndodhur si pasojë e një fronti atmosferik të ulët që zaptoi Europën Qëndrore dhe një pjesë të madhe të Europës Lindore.

Temperaturat kanë pësuar një ulje me 3 deri në 4 gradë, ndërsa në zonat malore kanë shkuar në minus zero gradë. Kështu raportohet ne oret e para te mengjesit te sotem, se reshje bore kanë rënë në lartësinë mbi 500 metra, në Kukës, ku trashësia e dëborës ka arritur deri në 10 cm. Në lartësinë mbi 1 mijë metra ka pasur reshje dëbore edhe në Dibër e Pukë. E njëjta situatë edhe në Korçë, ku është mbuluar nga dëbora mali i Ostrovicës.

Ndërkohë që edhe në ultësirën perëndimore të vendit parashikohet një mot me reshje të dendura shiu e erëra të forta. Pritet që qarku i Lezhës e Shkodrës të preken nga stuhi të forta.

Burime zyrtare bejne te ditur se, Ministri i Bujqesise Edmond Panariti, per te ndjekur ne terren situaten e krijuar nga kushtet e motit te keq është nisur drejt qarkut të Lezhës.

Ndersa në Durres, si pasoje e erërave të forta dhe valëzimit në det deri në 7 ballë ka pasur edhe vonesa në mbërritjen e trageteve në portin e ketij qyteti. Kështu, dy tragete të nisur nga Bari pritet të mbërrijnë 7-8 orë me vonesë.

Kapiteneria e Durrësit, bën me dije se aktualisht valëzimi në det është 6-7 ballë, ndërsa bëjnë apel që anijet të sigurohen për vendstrehim.

Probleme me motin ka pasur edhe në ujërat italiane, ku kanë mbizotëruar stuhitë dhe erërat e forta.

Duke u nisur nga kushtet klimaterike, ku ultësira perëndimore e vendit pritet të pushtohet nga erërat e forta e shirat e dendur, Ministria e Bujqësisë i bën apel fermerëve të përgatiten për të mbrojtur të mbjellat.

Raportohet se në qarkun e Shkodrës dhe Lezhës ka stuhi e forta, ndërsa reshjet e shiut janë prezente në të gjithë zonën perëndimore.

“Fermerët të marrin masa për të mbjellat, ndërkohë që edhe Shtabi i emergjencës ndodhet në terren. Po ashtu edhe bordet e kullimit janë në gatishmëri për situatën”, thuhet në deklaratën e MB-së.

HermesNews - ©2014

Dërgo me email | Stampo artikullin