22/10/2014 11:22:28

Fjongoja e jetës në murin e Universitetit të Tiranës

Nga 7000 raste të tilla në vit, përgjatë 2014 ka patur 450 raste të reja me kancer të gjirit

TIRANË - Një fjongo simbolike në Universitetin e Tiranës në kuadër të muajit të sensibilizimit të kancerit të gjirit, ndodhet e projektuar nga ministria e shëndetësisë. Tetori ka qënë një muaj i ngjeshur informimi për kancerin, sidomos ndaj kancerit të gjirit ku mjekët kanë parë më shqetësimi rritjen e të prekurve. Nga 7000 raste të tilla në vit, përgjatë 2014 ka patur 450 raste të reja me kancer të gjirit. Mjekët rekomandojnë që zonjat mbi 40 vjeç të bëjnë mamografi gjiri, ndërsa spitali i Durrësit për herë të parë ka një kabinet kimioterapie për të trajtuar të prekurit. Tetë onkologë që kanë përfunduar specializimin në muajin qershor janë punësuar këtë muaj në spitalet tona (4 në QSUT dhe 4 në spitalet e tjera), ndërkohë që për herë të parë, dy mamografë të lëvizshëm kanë ardhur në Shqipëri për të ndihmuar më shumë për kryerjen e ekzaminimeve të kancerit të gjirit, kryesisht në zonat rurale. Sipas regjistrit ndërspitalor në QSU-të, janë të regjistruar 4400 raste të reja tumoresh në vit, ndërkohë prej tyre 450 raste të reja janë të identifikuar me tumorin e gjirit. Deri më sot, llogariten që janë depistuar rreth 250 gra dhe kërkesat janë në rritje. Rreth 600 të tjera janë regjistruar dhe kërkojnë të kontrollohen për sa i përket depistimit të hershëm, çfarë do të thotë se, fushata dhe aktivitetet e zhvilluara gjatë kësaj periudhe ia kanë dalë të rrisin ndërgjegjësimin e grave për parandalimin dhe kontrollin e hershëm.

HermesNews - ©2014

Dërgo me email | Stampo artikullin