15/10/2014 17:18:57

Mos shkoni në Beograd !

Kryebashkiaku i prishtinës, Rama të vijë në Prishtinë jo në Beograd

PRISHTINË - Kryetari i Prishtinës, Shpend Ahmeti, ka ftuar kombëtaren e Shqipërisë të vizitojë Prishtinën, ndërsa ka përsëritur kërkesën drejtuar kryeministrit të Shqipërisë, Edi Rama, për të mos shkuar në Beograd. “Shfrytëzoj rastin që publikisht në emër të Komunës së Prishtinës t’i ftojë të vijnë në Prishtinë sa më shpejtë. Do të gëzonin shumë njerëz…Ashtu siç edhe ja thashë në takim kryeministrit Rama, po e them prapë, dhe tani jam edhe më i bindur për këtë – Mos shkoni në Beograd”, ka shkruar Ahmeti në një postim në rrjetin social Facebook. Sipas KosovaPress, këto komente Ahmeti i ka bërë duke iu referuar ngjarjeve të mbrëmshme gjatë dhe pasi Shqipëria luajti sfidën kundër Serbisë, në kuadër të eliminatorëve të EURO 2016.

HermesNews - ©2014

Dërgo me email | Stampo artikullin