15/10/2014 16:54:00

''Retrospektivë'', ekspozita në GKA

Ekspozita e Sadik Kaçelit ka si qëllim që të kujtojë kontributin e tij artistik ndër vite

TIRANE - Galeria Kombëtare e Arteve në Tiranë, do të hapë sot për publikun në sallën e “Ekspozitave të Përkohshme,” ekspozitën “Retrospektivë” të një prej artistëve më të njohur shqiptarë të shekullit të 20-të, Sadik Kacelit. Në një konferencë për shtyp, mbajtur pak më parë në ambjentet e galerisë, drejtori i GKA-së, Artan Shabani, së bashku me Prof.Gëzim Qëndron, dhe të birin e artistit, piktorin Buron Kaceli kanë treguar edhe disa detaje lidhur me ekspozitën e cila do të çelet sot në mbrëmje në orën 18:00. “Me një emocion të veçantë, GKA ka nderin të prezantojë sot, ekspozitën e Sadik Kacelit” ka nisur fjalën e tij Artan Shabani, i cili ka shtuar se “91 vepra dhe punime të teknikave në vaj, akuarelë, dhe vizatim, si dhe 3 dokumenta do të prezantohen sot për publikun”. Buron Kaceli (i biri i Sadik Kacelit) pasi ka falenderuar GKA-në dhe bashkinë e kryeqytetit për mbështetjen, ka treguar se kjo ekspozitë që u bë e mundur nga familja e tij, ka si qëllim që të kujtojë kontributin e tijë artistik ndër vite.

HermesNews - ©2014

Dërgo me email | Stampo artikullin