15/10/2014 16:35:29

Përurohet laboratori i pyjeve

Pajisja e Institutit për Pyje me këtë laborator, i cili është inauguruar sot, është mbështetur financiarisht nga Agjencioni Pyjor i Kosovës

PEJË - Në Institutin e Pylltarisë në Pejë, i cili funksionon në kuadër të Ministrisë së Bujqësisë të Qeverisë së Kosovës, sot u bë përurimi i laboratorit të pyjeve. Ky projekt është realizuar nga Agjencia Pyjore e Kosovës në bashkëpunim me FAO-n. Me funksionalizimin e laboratorit për hulumtime aplikative në pylltari, po krijohen mundësitë për mbrojtjen e shëndetit të pyjeve dhe për ndërmarrjen e masave adekuate në parandalimin e sëmundjeve dhe dëmtuesve pyjor. Pajisja e Institutit për Pyje me këtë laborator, i cili është inauguruar sot, është mbështetur financiarisht nga Agjencioni Pyjor i Kosovës. Kryeshefi i Agjencisë Pyjore të Kosovës, Ahmet Zejnullahu, u shpreh se viteve të fundit, së bashku me donatorët e huaj kanë bërë investime të mëdha në sektorin pyjor në vend, të cilat sipas tij kanë ndikuar edhe në ngritjen e kapaciteteve të prodhimit të fidanëve në fidanishten e këtij agjencioni në Pejë. Funksionet dhe detyrat e laboratorit për hulumtime aplikative në pylltari, do të realizohen sipas planit nacional për monitorimin e shëndetit pyjor.

HermesNews - ©2014

Dërgo me email | Stampo artikullin