11/10/2014 19:17:49

Filmi Heroi, fitues në festivalin e Filmit Shqiptar në New York

Albanian Film Festival mbyll siparin me çmimet fituese

CHELSEA NEW YORK CITY - Festivali i tretë i Filmit Shqiptar i ashtuquajtur Albanian Film Festival në metropolin e botës New York, ka ulur siparin e tij, mbrëmë, në qendrën SVA, me shfaqjen e fundit të premirerës së filmit Femrat të Rudina Vojvoda-s. Për tetë ditë me radhë më shumë se 2500 spektatorë ndoqën 40 filma të metrazhit të gjatë, të shkurtër dhe dokumentarë cilët konkuruan për shtatë çmime,

Përveç filmit Heroi me çmime të tjera u nderuan, aktorja më e mirë Best Actress Award Adriana Morina, për interpretimin e saj në filmin Heroi/The Hero. Aktori më i miri u shpall Nik Xhelilaj në filmin Shqiptari/The Albanian dhe regjizori më i mirë Best Director Award Namik Ajazi me filmin Amaneti/The Last Wish.

Filmi - Komendi e regjisores Rudina Vojvoda me aktorin Ermal Mamaqi - u shpall si filmi më i miri audiencës, ndërsa fitoi çmimin e publikut Best Audience Award.

Skenari më i mirë i shkruar u konsiderua - skenari i Roland Uruçit, I cili, ishte fituesi për konkursin e skenarit më të mirë të shkurtër me filmin "Max në shikim të parë", i cili do të jetë në kinematë tona në pranverën e viti të ardhshëm - 2015.

Gjithashtu, në ceremoni u ndanë edhe çmimet e karrierës aktorëve të njohur të kinematografisë shqiptare Tinka Kurti nga Shqipëria dhe Çun Lajçi nga Kosova. Ata gjithashtu si dy mysafirët e veçantë të festivalit morën edhe nga një çertifikatë e nderi.

Albanian Film Festival në dy vitet e para organizohej nën emrin Java e Filmit Shqipëtar në SHBA nga Ariot Myrtaj dhe Mrika Krasniqi, por mosmarreveshjet mes tyre, kanë bërë që këtë vit të kemi dy organizime të njëjta, Festivalin e Filmit Shqipëtar nën organizim të Ariot Myrtaj që ka përfunduar mbrëmë, dhe Javën e Filmit Shqipëtar, nën organizim të Mrika Krasniqit që do të mbahet po në New York, nga 21 deri 27 Nëntor 2014.

Kjo traditë ka lindur falë përpjekjeve të komunitetit të artistëve shqiptarë, në SHBA, që t’i dedikohet promovimit të kulturës, artit dhe vizionit të talenteve shqiptare në trojet tona e kudo nëpër botë.

Beqir Sina

Dërgo me email | Stampo artikullin