10/10/2014 14:27:49

Në Kosovë nuk ka Ebola

Nuk ka vend nevojë për panik, por qeveria do të izolojë të gjithë udhëtarët që vijnë nga vendet e prekura

(18:38) Në Kosovë nuk ka asnjë rast të sëmurë dhe asnjë rast të dyshuar me Ebola, deklaroi sot pasdite në një konferencë për mediat Naser Ramadani, drejtor i Institutit Kombëtar të Shëndetësisë Publike. Nuk ka nevojë për panik duke e ditur se virusi nuk po përhapet përmes ajrit por gjatë kontaktit të afërt me gjakun. Ministri i Shëndetësisë, Ferid Agani tha se sëmundja e Ebolës po paraqet një kërcënim global dhe institucionet e vendit kanë ndërmarra masat për parandalimin e saj, duke e ditur faktin që Kosova nuk është ishull i izoluar.

"Fatmirësisht ne nuk kemi shumë frekuencë të fluksit të qytetarëve tanë në këto vende subsahariane, por rastet kur dikush vjen nga këto vende në Kosovë, atëherë bëhet izolimi minimumi pesë ditë, si masë parandaluese. Dhe, nëse ka shenja të sëmundjes, natyrisht shkojnë në Klinikën Infektive ku një pjesë është e izoluar", ka thënë ministri Rexhepi.


PRISHTINË - Parandalimi i Ebolës në Kosovë ishte në qendër të një takimi të zhvilluar sot mes Kryeministrit Hashim Thaçi dhe ministrit të Shëndetësisë, Ferid Agani si dhe ministrit të Punëve të Brendshme, Bajram Rexhepi. "Pas lajmit shqetësues nga Maqedonia se një pacient që ka ndërruar jetë aty, dyshohet te kete qenë i infektuar me virusin Ebola, vendosa ngritjen e një grupi pune të posaçëm ndër-institucional", bëri të ditur sot kryeministri Thaçi. Pasditen e sotme ministri i shëndetësisë Agani, ministri i punëve të brendshme Rexhepi, si dhe drejtori Ekzekutiv i Institutit Kombëtar të Shëndetësisë Publike, Naser Ramadani do të mbajnë një konferencë për shtyp ku do të flasin për masat për parandalimin e Ebolës në Kosovë.

HermesNews - ©2014

Dërgo me email | Stampo artikullin