09/10/2014 17:05:22

Gjermania feston rënien e murit të Berlinit

Njëzet e pesë vjet nga rënia e Murit të Berlinit, ekonomia e ish-Republikës Demokratike Gjermane mbetet ende, në mënyrë domethënëse, larg asaj të ish-Republikës Federale Gjermane

BERLIN - Gjermania feston në Lajpcig, në lindje të vendit, 25 vjetorin e një manifestimi në ish-Republikën komuniste Demokratike Gjermane që çoi në rrëzimin e Murit të Berlinit. Njëzet e pesë vjet nga rënia e Murit të Berlinit, ekonomia e ish-Republikës Demokratike Gjermane mbetet ende, në mënyrë domethënëse, larg asaj të ish-Republikës Federale Gjermane edhe pse dallimi mes tyre po vazhdon progresivisht të zvogëlohet. Kjo është ajo që del nga Raporti Vjetor mbi vendin e bashkuar, paraqitur nga qeveria e kancelares, Angela Merkel. Sipas raportit, kapaciteti ekonomik dhe fiskal i landeve të ish-RDGJ-së është rreth 30 për qind më i ulët sesa ai i landeve të ish-RFGJ-së. Edhe përqindja e papunësisë rezulton më e lartë në lindje sesa në perëndim të vendit, thënë ndryshe 10,3 përqind kundrejt gjashtë për qind edhe pse në vitin 2013 numri i të punësuarve është më i madh në lindje, që nga koha e bashkimit të dy Gjermanive.

HermesNews - ©2014

Dërgo me email | Stampo artikullin