09/10/2014 12:18:26

''20 mijë lega nën det'' prezantohet në Romë

Në festival u paraqitën vepra që preknin aspekte nga më të larmishmet si, emigracioni, angazhimi social, spektakli, teknologjitë e reja apo videoklipet muzikore

TIRANË - Gjatë Festivalit dyditor te Filmit Dokumentar në Romë, i ndjekur nga mbi dy mijë spektatorë, Shqipëria u prezantua me dokumentarin “20 mijë lega nën det”, realizuar nga Auron Tare, drejtor i Agjencisë Kombëtare të Bregdetit, në bashkëpunim me Top Channel. Në festival u paraqitën vepra që preknin aspekte nga më të larmishmet si, emigracioni, angazhimi social, spektakli, teknologjitë e reja apo videoklipet muzikore. Dokumentari shqiptar trajtonte idenë e ngritjes së një muzeu nënujor, për të admiruar zbulimet e rëndësishme arkeologjike të kryera në brigjet shqiptare, një muze i së ardhmes, që do të ishte i vetmi i këtij lloji në të gjithë Mesdheun. Shfaqja e dokumentarit ishte një rast i mirë për t’i ilustruar publikut të shumtë vlerat e trashëgimisë kulturore shqiptare dhe pasuritë e vyera të kulturës sonë. Festivali, që sapo u mbyll, tashme është bërë një event i rëndësishëm në kërkimin, shpërndarjen dhe promovimin e veprave më të mira nga e gjithë bota.

HermesNews - ©2014

Dërgo me email | Stampo artikullin