08/10/2014 19:58:18

Rama, golin e parë në Elbasan

Ndeshje miqësore për inaugurimin e stadiumit të ri në Elbasan

ELBASAN - Stadiumi Elbasan Arena është inauguruar sot pasdite me një ndeshje miqësore mes kombëtares sone dhe ekipit U-19 të Elbasanit, në praninë e qindra tifozëve. Në fillim të ndeshjes, Kryeministri Edi Rama ka shënuar gol në portë, për të vijuar më pas edhe Ministrja e arsimit e sportit, Lindita Nikolla, kreu i bashkisë, Qazim Sehjdini, si dhe përfaqëues të FSHF-së. Më pas ka nisur ndeshja miqësore, ku për herë të parë edhe pse kishte rënë muzgu fusha e stadiumit ndriçonte nga prozhektorët e mëdhenj, duke i dhënë një pamje mjaft te bukur fushës së stadiumit të ri, i cili të shtunën do të presë ekipin e Danimarkës për eleminatorët e Euro 2016.

HermesNews - ©2014

Dërgo me email | Stampo artikullin