08/10/2014 14:16:10

'Mielli': Panariti takon ekspertët në Kosovë

Ministria e Bujqësisë së Shqipërisë kërkon standarde të njëjta me Bashkimin Europian sa i përket cilësisë së miellit të importuar

PRISHTINË - Ministri i Bujqësisë, Zhvillimit Rural dhe Administrimit të Ujërave, Edmond Panariti, viziton sot Kosovën, ku në qendër të takimeve do të jetë tejkalimi i problemit të eksportit të miellit nga Kosova për në Shqipëri. Sipas KosovaPress, mielli nga Kosova, është ndaluar për t’u transportuar në Shqipëri, nëse ai ka më pak se 12.5% proteina. Kjo pasi Ministria e Bujqësisë së Shqipërisë kërkon standarde të njëjta me Bashkimin Europian sa i përket cilësisë së miellit të importuar. E për të tejkaluar këtë problem, ministri i Bujqësisë së Shqipërisë, Edmond Panariti, është ftuar në Kosovë në një takim me kryeshefin ekzekutiv të Agjencisë së Ushqimit dhe Veterinës, Valdet Gjinovcin. "Takimi do të ketë për qëllim tejkalimin e problemit të eksportit të miellit nga Kosova për në Shqipëri. Të ftuar në këtë takim do të jenë edhe përfaqësuesit e bizneseve prodhuese të miellit nga Kosova", thuhet në njoftimin e Agjencisë së Ushqimit dhe Veterinarsë.

HermesNews - ©2014

Dërgo me email | Stampo artikullin