08/10/2014 01:31:00

Pallotta: ''Tani të qetësohemi. Roma e fortë, Juve mësohu''

Presidenti verdhëkuq zbut tonet: ''Gabimet qëndrojnë. Jemi dy skuadra të mëdha''

HermesNews - “Duhet të gjithë të marrim frym thellë e të qetësohemi pak. Futbolli është një lojë që ec me mijera në orë, dhe nganjëherë dalin gabime kontroverse: ky është një diskutim që vlen për të gjithë”. Kështu presidenti i Romes, James Pallotta 48 orë pas Juve-Roma. “Do luftojmë përherë për të kapur majat. Filloni të mësoheni”, ka shtuar. “Në fund jemi dy skuadra të mëdha dhe shkojmë drejt një rivaliteti që do zgjasë shumë - vijon Pallotta në një notë shkruar në sitin e Romes - kjo nuk mund të jetë veç një e mirë për futbollin italian”. “Do jemi gjithmonë krenar për skuadren tonë. E duam shpirtin tonë. Do kthehemi shpejt e do luftojmë për të arritur në krye. Filloni të mësoheni. Forca Roma!” përfundon presidenti verdhekuq.

Arbër Meçenovi

Dërgo me email | Stampo artikullin