04/10/2014 12:00:38

Nis rrugëtimi i Festivalit të filmit shqiptar

Filmat do të gjykohen nga një juri, në përbërje të së cilës janë Gilberta Lucaj, regjisori Lee Percy, dhe Paul Kurti

CHELSA NEW YORK CITY - Festivali i tretë i Filmit Shqiptaro - Amerikan i ashtuquajtur Albanian American Festival në metropolin e botës NEW YORK, ka filluar me shfaqjen e premirerave të saj mbrëmë më 2 tetor dhe përfundon të Enjten me 9 tetor. Për tetë ditë, në qendrën e kinemasë SVA - New York, do të shfaqen me dhjetëra filma, të metrazhit të gjatë, metrazhti të shkurtër, dhe filmat dokumentar, cilët do të konkurrojnë për shtatë çmime. Ky aktivitet që realizohet për të tretin vit me rradhë dhe synon të sjellë së bashku për një javë disa nga regjizorët dhe aktorët më në zë të kinematografisë mbarë shqiptare, nga Kosova, Shqipëria, dhe të gjitha trevat shqiptare.Artëdashësit e shumtë shqiptarë dhe amerikanë përjetojnë për tetë ditë emocionet e filmave më të rinj dhe më cilësorë të cilët do të shfaqen në shqip dhe anglisht në qendrën e kinemasë SVA. Nuk do të mungojnë gjatë këtyre ditëve dhe diskutimet mbi situatën kinematografike sot. Një temë e zgjedhur nga organizatorët është ndikimi që ka pasur lufta dhe komunizmi në filmin artistik shqip. Filmat do të gjykohen nga një juri, në përbërje të së cilës janë Gilberta Lucaj, regjisori Lee Percy, dhe Paul Kurti.

Beqir Sina

Dërgo me email | Stampo artikullin