03/10/2014 15:17:27

Kolonia e artistëve në jug të vendit

Surpriza e grupit të piktorëve ballkanas ka qenë që dy prej punëve të këtij komuniteti piktorësh të mbeten njëra në mjediset e Bashkisë dhe tjetra në Galerinë ''Art Saranda''

TIRANË - 20 piktorë nga Ballkani, të organizuar në një “koloni” profesionistësh, kanë mbërritur në jugun shqiptar, në kërkim të motiveve të jetës. Pas Konispolit, stacioni i dytë ka qenë Saranda, ku ata kanë kërkuar të kontaktojnë edhe me Kryetarin e Bashkisë, Stefan Çipa. Në takimin e realizuar, kreu i Bashkisë Çipa, ka “zbuluar” para krijuesve të penelit se çfarë është Saranda e sidomos se cili është vendi që i kanë bërë vetes artistët e çdo fushe të krijimtarisë. Surpriza e grupit të piktorëve ballkanas ka qenë që dy prej punëve të këtij komuniteti piktorësh të mbeten njëra në mjediset e Bashkisë dhe tjetra në Galerinë “Art Saranda”. U mirëprit kërkesa e tyre që në mjediset e Galerisë së Sarandës të çelet më 5 tetor ekspozita me punët e tyre më të reja nga inkursioni në jugun shqiptar.

HermesNews ©2014

Dërgo me email | Stampo artikullin