18/09/2014 16:53:19

Lamtumirë Kiço Fotiadhi !

Në një nga hollet e Radio Tiranës, ku u vendos arkivoli me trupin e të ndjerit, u zhvilluan homazhe në nderim të figurës së dashur për publikun

TIRANË - Gazetarit të njohur Kiço Fotiadhi, që u nda nga jeta pasditen e djeshme në moshën 74 vjeçare, iu dha sot lamtumira e fundit nga të afërm, miq e kolegë. Në një nga hollet e Radio Tiranës, ku u vendos arkivoli me trupin e të ndjerit, u zhvilluan homazhe në nderim të figurës së dashur për publikun, i njohur ndryshe dhe si spikeri i emisionit të parë të lajmeve në historinë e Televizionit Shqiptar në vitin 1963.
Drejtori i RTSH-së, Martin Leka, vlerësoi kontributin 30-vjeçar të z. Fotiadhi si gazetar e spiker në këtë institucion. Kiço Fotiadhi është dekoruar nga ish-Presidenti i Republikës, Bamir Topi, me Urdhrin “Naim Frashëri” i Artë me motivacionin: “Protagonist i shquar i ekranit televiziv, promovues i eventeve me rëndësi kombëtare, gazetar i njohur novator”.

HermesNews - ©2014

Dërgo me email | Stampo artikullin