17/09/2014 16:25:06

Kërkesë për shënjtërim Vatikanit

''I kemi kërkuar Vatikanit që të shenjtërojë disa prej emrave të martirëve që kemi vendosur sot përgjatë Bulevardit. Vatikani i ka futur ata në proçesin e kanonizimit, për t’i kaluar më pas në lumturim, ashtu si Nënë Tereza''

TIRANE - Ministrja e Kulturës, Mirela Kumbaro, në një prononcim sot për mediat nga Bulevardi Dëshmorët e Kombit, tha se fotografitë e 40 martirëve, janë vendosur në bashkëpunim me Protokollin e Vatikanit. Ministrja tha gjithashtu se punimet që po kryhen nga Qeveria dhe Ministria e Kulturës në lidhje me vizitën e Papa Frençeskut në Sheshin “Nënë Tereza”, në Tiranë do të përfundojnë më parë se afati i përcaktuar, Duke u ndalur te fotot e martirëve katolike, Kumbaro tha se “ky dekor në Bulevard vjen si një ide e kryeministrit Rama, që u miratua nga Komisioni për përgatitjet e vizitës së Papës në bashkëpunim me Protokollin e Vatikanit”. Por Ministrja deklaroi se “i kemi kërkuar Vatikanit që të shenjtërojë disa prej emrave të martirëve që kemi vendosur sot përgjatë Bulevardit. Vatikani i ka futur ata në proçesin e kanonizimit, për t’i kaluar më pas në lumturim, ashtu si Nënë Tereza”.

HermesNews - ©2014

Dërgo me email | Stampo artikullin