17/09/2014 16:17:23

Nuk votojmë kandidatin e PDKsë

Në një pronocim për mediat pas një takimi konsultativ mes drejtuesve të partive opozitare, kreu i AAK-së, Haradinaj tha se “takimi i sotëm ka qenë një takim konsultativ për seancën e nesërme

PRISHTINË - Kryetari i AAK-së, Ramush Haradinaj, theksoi sot se “kandidati i Partisë Demokratike të Kosovës për kryetar të Kuvendit nuk do të votohet në seancën e nesërme”. Në një pronocim për mediat pas një takimi konsultativ mes drejtuesve të partive opozitare, kreu i AAK-së, Haradinaj tha se “takimi i sotëm ka qenë një takim konsultativ për seancën e nesërme. Kuptohet, mbetet vetëm ta përsëris se ne jemi plotësisht të gatshëm për seancë. Nuk dua të jap detaje, sepse epilogu i seancës dihet. Kandidati i PDK-së së nuk do të votohet. Presim pikën 126, pra dështimin e kandidatit të parë për të pasuar me pikën 127″. Sipas mediave , Haradinaj bëri të ditur se ende nuk kanë marrë ndonjë konfirmim nga lista serbe. “Nuk kemi marrë ende një konfirmim zyrtar nga lista serbe, për vendimin e saj se kë do të mbështesë në seancë”, u shpreh Haradinaj. Nesër në Kosovë do të zhvillohet seanca konstituive për zgjedhjen e kreut të Kuvendit të Kosovës.

HermesNews - ©2014

Dërgo me email | Stampo artikullin