17/09/2014 16:12:00

Kryeprokurori i tiranës në Prizren

Llalla dhe Hoxha theksuan vullnetin maksimal për vijimin e hetimeve të përbashkëta kundër grupeve kriminale që shfrytëzojnë lehtësirat kufitare për të zhvilluar veprimtarinë e tyre të paligjshme

TIRANË - Prokurori i Përgjithshëm, Adriatik Llalla dhe ushtruesi i detyrës së Prokurorit të Shtetit tëKosovës, Sylë Hoxha, diskutuan mbi çështje që kanë interes të përbashkët në hetimin e kriminalitetit ndërkufitar dhe atij rajonal e më gjerë. Në një takim të zhvilluar ditën e mërkurë në Prizren, drejtuesit e institucioneve hetimore theksuan rëndësinë e bashkëpunimit, sidomos sa i përket trafiqeve të natyrave të ndryshme dhe çështjeve që lidhen me përfshirjen e qytetarëve të ndryshëm në konflikte ushtarake janë Europës. Llalla dhe Hoxha theksuan vullnetin maksimal për vijimin e hetimeve të përbashkëta kundër grupeve kriminale që shfrytëzojnë lehtësirat kufitare për të zhvilluar veprimtarinë e tyre të paligjshme. Ky takim u krye në një kohë kur ndërmjet Prokurorisë së Shqipërisë dhe Prokurorisë së Kosovës është intensifikuar ndjeshëm shkëmbimi i informacionit dhe goditja e strukturave kriminale, në bashkëpunim edhe me agjenci të tjera partnere ndërkombëtare.

HermesNews - ©2014

Dërgo me email | Stampo artikullin