15/09/2014 16:51:53

Paqe në Mesdhe përmes kulturës

Në natën e parë të festivalit Otranto Film Fund Festival u nënshkrua protokolli i bashkëpunimit mes Qendrës Kombëtare të Kinematografisë-Shqipëri

TIRANË - Festivali i Filmit në Otranto hapi siparin të premten, datë 12 shtator me workshop-in “Paqe në Mesdhe përmes kulturës” nëpërmjet një debati mes gazetarëve, artistëve dhe përfaqësuesve të institucioneve të kulturës. Pjesëmarrës në këtë debat, ishin Ministrja e Kulturës, Mirela Kumbaro, këshilltarja për Mesdheun, Turizmin dhe Kulturën ne Rajonin e Pulias, Silvia Godelli, drejtori i QKF-së, Ilir Butka, ambasadorja e Palestinës në Itali, Mai al Kaila, presidentja e Apulia Film Commission, Antonella Gaeta dhe gazetarja e TG1-RAI, Marilu Lucrezia. Në debatin mes gazetareve dhe institucioneve Godelli u shpreh se “Shqipëria tashmë i përket gjeneratës së re, asaj të kulturës integruese evropiane”. Në natën e parë të festivalit Otranto Film Fund Festival u nënshkrua protokolli i bashkëpunimit mes Qendrës Kombëtare të Kinematografisë-Shqipëri, përfaqësuar nga drejtori, Ilir Butka dhe Apulia Film Commission, përfaqësuar nga presidentja, Antonella Gaeta.

HermesNews - ©2014

Dërgo me email | Stampo artikullin