04/09/2014 15:13:58

Tre të rinj tek në Vllaznia Basket

Lëvizjet e para në merkato të presidences kuqeblu kanë sjellë në skuadër dy basketbolliste te huaj. Bëhet fjalë për Chris Scott nga Shtetet e Bashkuara të Amerikes dhe Inosent Emmanuel nga Kanadaja. Së bashku me ta, në Shkodër ka mbërritur edhe basketbollisti slloven, Mirza Sarajli

SHKODËR - Në pritje të pjesëmarrjes në eleminatoret e Liges Ballkanike, aktivitet në të cilin në këtë edicion Shqipëria përfaqësohet me skuadrën kampione, Vllazninë e Shkodrës, drejtuesit e klubit verior po punojnë në përforcimin e ekipit me basketbollistë cilësorë. Lëvizjet e para në merkato të presidences kuqeblu kanë sjellë në skuadër dy basketbolliste te huaj. Bëhet fjalë për Chris Scott nga Shtetet e Bashkuara të Amerikes dhe Inosent Emmanuel nga Kanadaja. Së bashku me ta, në Shkodër ka mbërritur edhe basketbollisti slloven, Mirza Sarajlia, të cilët pritet të jenë pjesë të skuadrës kuqeblu, jo vetem për aktivitetin e Liges Ballkanike, por edhe të kampionatit kombëtar. Në një prononcim për, trajneri i skuadrës shkodrane, Bledar Gjeçaj, bën të ditur se për dyshen e basktbollistëve të ardhur nga Amerika dhe Kanadaja, përkatësisht, Chris Scott dhe Inosent Emmanuel, do të ketë tre-katër ditë në dispozicion pë t’u provuar dhe testuar përpara stafit teknik dhe nëse ata do të rezultojnë cilësore, presiedenca ka gati kontratën me klubin shumësportesh Vllaznia. Ndërkohë, për basketbollsitin tjetër të huaj, sllovenin Mirza Sarajlia, i cili ka qënë pjesë kryesore e suksesit të skuadrës shkodrane në fitmin e titullit kampion, nuk bëhet fjalë për provë.

HermesNews - ©2014

Dërgo me email | Stampo artikullin