25/08/2014 14:56:15

Vdes Richard Attenborough

Aktori dhe regjizori viq sot në moshën 90 vjeçare

LONDËR - Regjisori dhe aktori britanik, Richard Attenborough vdiq në moshën 90 vjeçare, njoftoi dje Akademia britanike e Arteve të Televizionit dhe Kinemasë (Bafta). “Ne jemi thellësisht të trishtuar pasi mësuam vdekjen e regjisorit të vlerësuar dhe ish-presidentit të Baftas”, theksoi organizata në rrjetin social Facebook. “Ai do të na mungojë shumë”. Richard Attenborough ka luajtur në filma si “Brighton Rock”, “Pushtimi i Madh”, “Jurassic Park” gjatë karrierës së tij gjashtëdhjetëvjeçare. “Roli i tij në ‘Brighton Rock’ ishte brilant, vënia në skenë e ‘Gandhi’-t ishte befasuese. Richard Attenborough ishte një prej të mëdhenjve të kinemasë”, shkruan kryeministri britanik, David Cameron në rrjetin social Twitter. Richard Attenborough, i cili ka marrë tetë çmime Oscars për “Gandhi” dy prej të cilëve për filmin më të mirë dhe aktorin më të mirë, lindi në Cambridge në vitin 1923.

HermesNews - ©2014

Dërgo me email | Stampo artikullin