19/08/2014 17:34:53

Endërr, pasion

Ekspozite pikture nga Shpresa Milaqi

DURRES - Piktorja Shpresa Milaqi është prezantuar këto ditë në Durrës me ekspozitën e titulluar “Endërr, pasion”. Që nga fillimi i këtij muaji 50 punimet e paraqitura në galerinë e arteve “Nikolet Vasia” të qytetit bregdetar kanë tërhequr vëmendjen dhe interesimin e artdashësve dhe pushuesve të shumtë.

“Endërr, pasion”, ekspozita e parë vetjake e piktores Shpresa Milaqi (2)Foto GPjesa më e madhe e tablove janë frymëzuar nga peisazhet pranë Durrësit, ndërsa disa të tjera nga viset malore të veriut. Piktorja 44-vjecare ka përzgjedhur nga punimet e dy vjetëve të fundit edhe disa natyra të qeta, si dhe më pak kompozime e portrete, ku shquan ai me titull “Babai”.

“Endërr, pasion”, ekspozita e parë vetjake e piktores Shpresa Milaqi (3) Foto GTablotë me përmasa, kryesisht mesatare, dallojnë për tonet e qeta dhe ngjyrat e ngrohta.

Autorja Shpresa Milaqi ka studiuar në shkollën e mesme artistike “Mujo Ulqinaku” (sot “Jan Kukuzeli”) dhe në arkivin e saj numërohen më shumë se 130 punime gjithsej.

HermesNews - ©2014

Dërgo me email | Stampo artikullin