19/08/2014 17:32:39

Richard Gere ndryshe mbi tapet

64-vjeçari ka pozuar përpara fotografëve me një buzëqeshje të lehtë në fytyrë

TIRANE - Ylli hollivudian, aktori i njohur Richard Gere, gjatë premierës së filmit të tij më të fundit, është shfaqur në publik dhe ka kaluar mbi tapetin e kuq i veshur mjaft thjesht, me xhinse dhe kapele.

64-vjeçari ka pozuar përpara fotografëve me një buzëqeshje të lehtë në fytyrë, i veshur me një xhaketë kadife të gjelbër, një bluze me ngjyrë blu të thjeshtë, si dhe një palë pantallona xhins.

Të pranishmit e kanë komentuar “look-un” e tij si look-u i një personi i cili ka dalë shëtitje në park, e jo si i një super stari i cili ka ardhur për të përuruar premierën e filmit të tij më të fundit.

Edhe pse bëhej fjalë për një ngjarje mjaft të rëndësishme, ylli i filmit “Pretty Woman” me sa duket nuk i ka kushtuar rëndësinë e duhur në aspektin pamor paraqitjes së tij përpara fansave e medias.

Zakonisht “Super Yjet” e Hollivudit në daljet e tyre në publik, si në netë promo apo në çdo lloj rasti, jemi mësuar ti shohim të veshur mirë e elegantë, por kësaj here Gere ka zgjedhur “thjeshtësinë” për tu prezantuar përpara opinionit e të pranishmëve.

HermesNews - ©2014

Dërgo me email | Stampo artikullin