12/08/2014 12:06:46

Drejt marëveshjes në veri

Takohen krerët e komunave të mitrovicës

PRISHTINË - Dy kryetarët e komunave të Mitrovicës, veriut me shumicë serbe, Goran Rakiç dhe jugut me shumicë shqiptare, Agim Bahtiri, janë pritur nga ministri i Mjedisit dhe Planifikimit Hapësinor në Qeverinë e Kosovës, Dardan Gashi, i cili ka shprehur mirënjohje për respektimin e moratoriumit për ndalimin e ndërtimeve si në jug ashtu dhe në veri.“Qeveria e Republikës së Kosovës, gjegjësisht Ministria e Mjedisit është e përkushtuar të ndihmojë në gjetjen e zgjidhjeve për dy komunat në Mitrovicë, gjithmonë në pajtueshmëri me ligjet dhe Kushtetutën e Republikës së Kosovës”, ka thënë Gashi, i cituar në njoftimin zyrtar nga takimi i djeshëm. Plani zhvillimor urban dhe trajtimi i ndërtimeve pa leje ishin dy temat e diskutuara në takim, ndërkohë që u dakordua që procesi i legalizimit të nisë me Mitrovicën për t’u marrë pastaj si pilot-projekt edhe për komunat e tjera.

HermesNews - ©2014

Dërgo me email | Stampo artikullin