11/08/2014 17:01:48

Qeveria kundër ekstremizmit

''Toleranca ndërfetare dhe ndëretnike, bashkëpunimi dhe komunikimi i ndërsjelltë gjithmonë kanë qenë dhe do të mbesin vlera të pacënuara të shoqërisë sonë. Çdo kërcënim ndaj këtyre vlerave fondamentale të shtetit dhe shoqërisë sonë do të ndëshkohet pamëshirë''

PRISHTINË - Qeveria e Republikës së Kosovës deklaron sot se mbështet operacionin e ndërmarrë nga Policia e Kosovës në koordinim me Prokurorinë e Shtetit për arrestimin e ekstremistëve, të cilët me veprimet e tyre kanë kërcënuar sigurinë kombëtare dhe rendin tonë kushtetues.Qeveria e Republikës së Kosovës rithekson se organet shtetërore të Kosovës do të mbrojnë me vendosmëri vlerat tona civilizuese euro-atlantike, liritë individuale, të drejtat kushtetuese dhe ligjore të të gjitha komuniteteve që jetojnë në Kosovë. Qeveria e Republikës së Kosovës fton qytetarët e Kosovës që me këmbëngulje të kundërshtojnë çfarëdo forme të shprehjes së ekstremizmit. “Toleranca ndërfetare dhe ndëretnike, bashkëpunimi dhe komunikimi i ndërsjelltë gjithmonë kanë qenë dhe do të mbesin vlera të pacënuara të shoqërisë sonë. Çdo kërcënim ndaj këtyre vlerave fondamentale të shtetit dhe shoqërisë sonë do të ndëshkohet pamëshirë”, theksohet në deklaratën e qeverisë së Republikës së Kosovës.

HermesNews - ©2014

Dërgo me email | Stampo artikullin